Trajneri Jose Mourinho ka thënë më herët se fituesi i “Topit të Artë” nuk duhet të jetë patjetër nga një ekip që e fiton Ligën e Kampionëve.
Tekniku portugez i Real Madridit ka shtuar se 3-4 kandidatë për ta fituar çmimin prestigjioz, janë pjesë e madrilenëve.
Por i menjëhershëm ka qenë reagimi i trajnerit të Paris Saint-Germainit, Luis Enrique, ka thënë se fitues duhet të jetë një lojtar i PSG-së.
Kështu është shprehur tekniku spanjoll para ndeshjes që PSG-ja e luan me Monacon.
“Nuk më intereson kush e fiton ‘Topin e Artë’, por mendoj se fituesi duhet të jetë lojtar i Paris Saint-Germainit. Kemi lojtarë që e kanë fituar Ligën e Kampionëve dhe Fabian Ruizin që e fitoi Kupën e Botës dhe Ousmane Dembelen që e fitoi ‘Topin e Artë” në sezonin e kaluar. Kështu që për mua, fituesi duhet të jetë nga PSG-ja. Ky është opinioni im dhe mund të jem gabim”, ka deklaruar Luis Enrique.
Ndeshja PSG – Monaco luhet të premten nga ora 21:05.