Fenerbahçe është prej skuadrave që kërkojnë biletën për fazën e ligës në “Champions League”.
Raundi kualifikues i plejofit do të përcaktojë shtatë skuadrat e fundit që do të paraqiten në Ligën e Kampionëve në edicionin 2026/2027. Faza e ligës ka zëvendësuar fazën grupore dhe njihet si “Champions”.
Gjiganti turk, Fenerbahçe, takohet me Lyonin francez për një vend në fazën e ligës. Ndeshja e parë zhvillohet të martën prej orës 21:00 në Stamboll. Ndeshja e kthimit është më 26 gusht në Lyon.
Fenerbahçe nuk ka luajtur në Champions që nga dhjetori i vitit 2008. Pra po pret shumë gjatë për kthim në skenën më të madhe evropiane. Pjesë e Fenerbahçes është sulmuesi kosovar, Vedat Muriqi.
Muriqi i ka pesë ndeshje në Champions, por si pjesë e Lazios, në edicionin 2020/2021.
επίσης
Τελευταίος γύρος του Champions League, ανοιχτός ανταγωνισμός για πολλές θέσεις
“Natyrisht, presim të kualifikohemi në Ligën e Kampionëve. Ky ishte synimi më i madh i tifozëve dhe i klubit tonë për kohë të gjatë. Na presin dy ndeshje, por do të fokusohemi tek e para. Duam të krijojmë epërsi të mirë në ndeshjen e parë”, ka thënë futbollisti i Fenerbahçes, Kerem Akturkoglu, të hënën në konferencë për shtyp.
Fenerbahçe ka njërin prej kundërshtarëve më të fortë në fazën e plejofit. Skuadra e Muriqit e nisi kampionatin në Turqi me humbje 2:1 nga Gençlerblirligi.
Feneri nisi prej raundit të dytë kualifikues të Championsit. Fillimisht e eliminoi Gornik Zabrzen e Polonisë e më pas Sturm Grazin e Austrisë.
Lyoni francez ka nisur prej raundit të tretë kualifikues. E eliminoi Sparta Pragën.
Të martën prej orës 21:00 janë edhe dy ndeshje të plejofit. Dinamo Zagrebi e pret Vikingun e Norvegjisë, ndërsa Levski Sofia takohet në Bullgari me AEK-un e Athinës.
Të mërkurën prej orës 21:00 janë katër ndeshjet e tjera të plejofit. Celticu skocez e pret LASK-un e Austrisë. Hapoel Beer Sheva e Izraelit takohet me Sabah Baku nga Azerbajxhani, Nijmegeni holandez e pret Bodo/Glimtin e Norvegjisë, ndërsa Slovan Bratislava e Sllovakisë luan me Celjen sllovene.
επίσης
Η Ντρίτα θα ήταν ευχαριστημένη ακόμη και με έναν βαθμό εναντίον της Ράγιο Βαγιεκάνο.
29 skuadrat tjera të fazës së ligës së Championsit janë përcaktuar përmes suksesit në ligat vendore. Në mesin e tyre janë skuadrat më të mëdha evropiane.
Shorti për fazën e ligës në Champions tërhiqet më 27 gusht.
