Mbrojtësi i Barcelonës, Pau Cubarsi, është ndër favoritët kryesorë për ta fituar çmimin “Golden Boy 2026”.
Cubarsi është përfshirë në listën përfundimtare prej 25 lojtarëve të cilët garojnë për çmimin që i jepet futbollistit më të mirë të ri në Evropë.
Në listën finale janë edhe disa emra të njohur, përfshirë Endrickun dhe Yan Diomanden e Real Madridit, Estevaon e Chelseat, Myles Lewis-Skellyn e Arsenalit, si dhe Lennart Karlin e Bayern Munchenit.
Në mesin e kandidatëve janë edhe disa futbollistë të tjerë të Barcelonës, ndërsa gara pritet të jetë e fortë.
Çmimi “Golden Boy” vlerëson paraqitjet e futbollistëve të rinj gjatë vitit dhe konsiderohet një prej çmimeve më prestigjioze individuale për talentet e futbollit evropian.