-
Μτφρ.: Flutura Gashi-Mehmeti
- 23 Αυγούστου 2026 13:36
- Μοιράστε σε:
Presidenti ukrainas, Volodymyr Zelensky, ka thënë se mbajtja e zgjedhjeve në Ukrainë gjatë luftës, ndërkohë që luftimet aktive me Rusinë vazhdojnë, do ta “shkatërronte” vendin duke përçarë ukrainasit.
Komentet e tij, të publikuara për gazetarët të dielën, janë të të parat nga Zelensky lidhur me këtë çështje që kur ish-ministri i shkarkuar i Mbrojtjes, Mykhailo Fedorov, ka bërë thirrje për mbajtjen e zgjedhjeve gjatë luftës, në një deklaratë befasuese javën e kaluar.
Shkarkimi i papritur i Fedorovit muajin e kaluar ka shkaktuar protesta të gjera, por mbështetësit që kërkonin rikthimin e tij në detyrë më vonë u tërhoqën përballë thirrjes së tij për zgjedhje – kërkesa e parë e këtij lloji nga një figurë e rëndësishme politike ukrainase që prej nisjes së pushtimit në shkallë të plotë nga Rusia në vitin 2022.
“Unë besoj se nëse duam ta shkatërrojmë vendin, atëherë mund të shkojmë drejt zgjedhjeve gjatë një lufte të tillë”, ka thënë Zelensky.
Zgjedhjet gjatë luftës janë të ndaluara nga ligji ukrainas. Analistët thonë gjithashtu se shqetësimet për sigurinë, si dhe miliona ukrainas që ndodhen jashtë vendit, nën pushtimin rus ose që luftojnë në front, do ta bënin tepër të vështirë zhvillimin e zgjedhjeve.
επίσης
Ο Ζελένσκι δηλώνει ότι δεν φοβάται τον Τραμπ
Mbështetja për Zelenskyn ka mbetur përgjithësisht e qëndrueshme, në rreth 60%, por institutet e sondazheve kanë thënë se, ndërsa ukrainasit dëshirojnë figura të reja në politikë, shumë prej tyre nuk kanë shumë dëshirë të votojnë tani.
Një sondazh i 5 gushtit nga Instituti Ndërkombëtar i Sociologjisë në Kiev ka zbuluar se 57% e ukrainasve duan që zgjedhjet të mbahen vetëm pasi të përfundojnë luftimet.
Duke përsëritur komentet e tij të mëparshme për këtë çështje, Zelensky ka thënë se zgjedhjet gjatë luftës mund të ishin të mundshme nëse partnerët e Kievit do të garantonin sigurinë, por se askush nuk ka propozuar një plan të tillë.
“Zgjedhjet tani janë një cunam për shtetin, që do ta përçanin Ukrainën”, ka thënë ai.
επίσης
Πριν από έξι χρόνια, το κοινό του Τραμπ στον ΟΗΕ γέλασε, φέτος παρέμεινε σιωπηλό.
“Prandaj, strategjia ime është ta drejtoj vendin drejt përfundimit të luftës dhe të ruaj një shtet të pavarur dhe sovran”, ka shtuar ai.
Fedorov, një aleat i vjetër i Zelenskyt, i cili është parë si një nga sfiduesit kryesorë të tij politikë, nuk ka thënë në mënyrë të qartë nëse do të kandidonte në zgjedhjet e ardhshme.
