Policia në Shqipëri ka nisur hetimet pas dëmtimit në sy të 28-vjeçarit gjatë protestës të së shtunës në Tiranë. Sipas njoftimit të policisë, Agjencia e Mbikëqyrjes Policore dhe Prokuroria kanë nisur hetimet për zbardhjen dhe dokumentimin ligjor të rastit.
Ndërkohë Policia e Shtetit ka pezulluar nga detyra një polic të Forcës së Posaçme “Shqiponja”, pas publikimit të pamjeve ku ai dyshohet se ka tejkaluar kompetencat gjatë protestës së 24 tetorit në Tiranë, ndërsa ndaj tij ka nisur hetimi administrativ.
Policia ka deklaruar se gjatë protestës, policët u sulmuan me gurë, bomba molotov, mjete piroteknike dhe sende të tjera, duke mbetur të plagosur 5 punonjës policie.
