Kryeministri i Shqipërisë, Edi Rama, ka anuluar vizitën zyrtare në Austri. Rama ishte planifikuar të takohej të hënën me kancelarin e Austrisë, Christian Stocker.
Lajmin për anulimin e vizitës e ka bërë portali austriak “Ots.at”, por e ka konfirmuar edhe Kryeministria e Shqipërisë.
Anulimi vjen pas situatës së tensionuar në Shqipëri, ku protestat e dhunshme kanë hyrë në ditën e gjashtë.
Tubimet në Tiranë janë shoqëruar me përplasje të dhunshme mes protestuesve dhe Policisë së Shtetit, si dhe me incidente pranë institucioneve shtetërore dhe selisë së Partisë Socialiste.
