Το Υπουργείο Εξωτερικών ζητά διεθνή ασφάλεια για τον Κοσοβάρο που συνελήφθη στη Σερβία

Ministria e Punëve të Jashtme dhe të Diasporës (MPJD) ka njoftuar të shtunën se i ka dërguar notë verbale misioneve diplomatike të vendeve të QUINT-it në Serbi me qëllim sigurimin e angazhimit të partnerëve ndërkombëtarë në mbrojtje të të drejtave dhe sigurisë së shtetasit të Republikës së Kosovës, Dukagjin Maxhuni, i cili u arrestua në kufirin Serbi – Kroaci nën dyshimet për krime lufte. 

MPJD-ja ka thënë se ka njoftuar edhe delegacionin e Bashkimit Evropian në Serbi. 

“Ministria e Punëve të Jashtme dhe Diasporës, përmes Zyrës Ndërlidhëse të Republikës së Kosovës në Serbi, ka njoftuar menjëherë Delegacionin e Bashkimit Evropian në Serbi, si dhe ka dërguar notë verbale pranë misioneve diplomatike të vendeve të Quint-it të akredituara në Serbi, me qëllim sigurimin e angazhimit të partnerëve ndërkombëtarë në mbrojtje të të drejtave dhe sigurisë së shtetasit të Republikës së Kosovës”, thuhet në reagim.

Tutje, Ministria ka bërë të ditur se vizita e familjarëve të Maxhunit pritet të realizohet gjatë javës në vijim. 

“Ambasadori i Republikës së Kosovës në Serbi, z. Jetish Jashari, është në kontakt të vazhdueshëm me familjen e të arrestuarit dhe përmes Zyrës Ndërlidhëse, do të procedojë me paraqitjen e kërkesës zyrtare për lejimin e vizitës ndaj shtetasit Maxhuni. Vizita pritet të realizohet gjatë javës në vijim”, vijon njoftimi.

επίσης Arberi 9 Σεπτεμβρίου 2025 Το Υπουργείο Εξωτερικών της Σερβίας ζητά από τη διεθνή κοινότητα να αντιδράσει στις συλλήψεις Κοσοβάρων στη Σερβία

MPJD-ja ka thënë se përmes Zyrës Ndërlidhëse në Serbi do të vazhdojë monitorimin e afërt të këtij rasti dhe “do të ndërmarrë të gjitha veprimet e nevojshme diplomatike për mbrojtjen e të drejtave të të gjithë shtetasve të Republikës së Kosovës”. 

Autoritetet në Serbi i kanë caktuar 30 ditë paraburgim Maxhunit. Siç pretendon Serbia, ai dyshohet për krime kundër anëtarëve të dy familjeve në qershor të vitit 1999 në fshatin Bec të Gjakovës.