Kryeministri Albin Kurti ka thënë se në rrethanat e reja pas vendimit dënues të Gjykata Speciale, shteti më së paku do të duhej të kishte mbi qafën kërcënimin e zgjedhjeve, duke theksuar se tani është nevoja për stabilitet dhe përgatitje për mbrojtje juridike e diplomatike.
“Qytetarët presin prej neve më shumë përgjegjësi, ndërsa kanë nevojë peri institucione që të vazhdojnë punën, për ekonomin që vazhdon të rritet. Kosova nuk e ka luksin të humbasë kohë në kriza të panevojshme. Nuk ka nevojë të shkojmë në zgjedhje të panumërta vetëm për t’u kthyer në pikën e njëjtë. Me këtë Deklaratë, kemi hapur kapitull të ri të bashkëveprimit e bashkërendimit të përbashkët. Secili proces zgjedhor është kontekst i ri mbi të cilin duhet të reflektojmë, kësaj here nuk do të prodhohej rezultat ndryshe, por kemi rrethana të reja që kërkojnë më shumë përgjegjësi shtetërore. Në rrethana të reja, shteti ynë më së paku do të duhej të kishte mbi qafën kërcënimin e zgjedhjeve të reja. Vendit tonë më së shumë se kurrë i duhet stabiliteti institucion, ashtu që të marrë përgjegjësinë për detyrat që i ka përpara, strategjinë e përbashkët shtetërore dhe mbrojtjen juridike e diplomatike ta kemi triumfuese nëpër botë.”
