-
Übersetzt von: Vita Abrashi-Kajtazi
- 13. August 2026 23:45
- Teilen mit:
V, anëtari i grupit të famshëm koreano-jugor BTS, ka treguar për herë të parë se prej rreth dy vjetësh e gjysmë po përballet me humbje të dëgjimit në njërin vesh, ka shkruar BBC.
Gjatë një transmetimi live me fansat, 30-vjeçari, emri i vërtetë i të cilit është Kim Tae-hyung, ka thënë se dëgjimi në veshin e djathtë është shumë më i dobët.
“Nëse dëgjimi në veshin tim të majtë është 100, në të djathtin është vetëm rreth 30”, ka thënë V.
Ai ka treguar se problemi u përkeqësua gjatë kohës që shërbente në ushtrinë e Koresë së Jugut. Në fillim nuk e kishte marrë shumë seriozisht, duke menduar se ishte një çështje që mund ta përballonte vetëm me “forcën mendore”.
Tani, këngëtari ka thënë se po merr trajtim mjekësor dhe viziton rregullisht spitalin.
ebenfalls
Das neue Album „Arirang“ von BTS ist erschienen
V iu bashkua ushtrisë në vitin 2023 dhe u lirua në muajin qershor të vitit 2025. Si pjesëtarët e tjerë të BTS, ai kreu shërbimin e detyrueshëm ushtarak, që për shumicën e meshkujve në Korenë e Jugut zgjat rreth 18 muaj.
Lajmi vjen në mes të turneut të madh botëror të BTS, i cili shënon rikthimin e të shtatë anëtarëve së bashku pas pauzës së shkaktuar nga shërbimi ushtarak.
Gjatë transmetimit, V ishte me anëtarin tjetër të grupit, Jungkook, i cili tregoi gjithashtu se po përballet me një lëndim në këmbë gjatë turneut.
Jungkook ka thënë se ishte “në prag të zhvillimit të një frakture nga stresi” dhe se duhet ta menaxhojë me kujdes dëmtimin në mënyrë që të vazhdojë koncertet.
Turneu i BTS ka nisur në muajin prill në Korenë e Jugut dhe gjatë muajve në vijim grupi do të performojë në qytete të ndryshme të botës, përfshirë Los Angeles, Buenos Aires, Bangkok, Sydney dhe Hong Kong.
V nuk dha detaje për shkakun e humbjes së dëgjimit, por konfirmoi se aktualisht po merr trajtim dhe po monitorohet nga mjekët.
ebenfalls
Die BTS-Gruppe boykottiert die „Grammy 2027“.
