Selena Gomez: E-Zigaretten haben meine Stimme für immer verändert

Këngëtarja dhe aktorja amerikane, Selena Gomez, ka treguar se përdorimi i shpeshtë i cigareve elektronike me nikotinë ia ka ndryshuar përgjithmonë zërin. Ajo ka paralajmëruar fansat që të mos e nisin këtë zakon, duke pranuar se lënia e nikotinës ka qenë shumë e vështirë për të, ka shkruar USA heute.

“Nuk do të mund ta ndryshoj më zërin tim. Kam përdorur shumë cigare elektronike me nikotinë. Nikotina është shumë e vështirë për t’u lënë dhe dua t’ju them se, nëse po përpiqeni ta lini ose mendoni ta provoni, nuk ia vlen aspak”, u shpreh ajo në një video të publikuar në Instagram.

Gomez e ka cilësuar vendimin për të përdorur cigare elektronike si një gabim të madh.

 “Ishte shumë budallallëk nga ana ime. Ma ndryshoi zërin”, ka thënë ajo.

Ajo iu përgjigj edhe kritikave të personave që kanë komentuar ndryshimin e zërit të saj në internet.

“Nëse nuk ju pëlqen ta dëgjoni zërin tim, e kuptoj plotësisht. Nuk më shqetëson. Thjesht mos më dëgjoni”, ka thënë këngëtarja.

Ylli i serialit “Only Murders in the Building” ka  pranuar se përpjekja për të hequr dorë nga nikotina ka qenë një sfidë e madhe, por po bën çmos të mos i rikthehet këtij zakoni.

“Shpresoj vetëm që të arrij të vazhdoj kështu. Nëse po kaloni diçka të vështirë, edhe ju mund t’ia dilni”, u shpreh ajo, duke u dhënë kurajë ndjekësve të saj.

Në muajin dhjetor të vitit të kaluar, Gomez kishte folur për ndryshimin e zërit gjatë një transmetimi të drejtpërdrejtë në Instagram. Në atë kohë, ajo ka thënë se ndonjëherë i ënjtet fyti për shkak të lupusit, sëmundje autoimune nga e cila vuan.

“E kam marrë këtë pyetje disa herë, për zërin tim. Ndonjëherë ndodhin gjëra të tilla. Më ënjtet fyti nga brenda. Kaq është”, ka shpjeguar ajo.