-
Übersetzt von: Vita Abrashi-Kajtazi
- 20. August 2026 10:30
- Teilen mit:
Aktorja Sandra Bullock ka folur për herë të parë publikisht për humbjen e partnerit të saj, fotografit Bryan Randall, i cili vdiq në vitin 2023 pas një beteje me ALS, sëmundje e rëndë neurologjike. Ai ishte 57 vjeç, ka shkruar Vielfalt.
Në një intervistë në podcastin SmartLess, Bullock ka treguar se Randall kishte kërkuar që sëmundja e tij të mbahej private. Për një periudhë, vetëm motra e saj, Gesine, e dinte për diagnozën.
“Ai më kërkoi të mos e tregoja. E di pse ma kërkoi. Motra ime ishte e vetmja që e dinte për një kohë”, ka thënë ajo.
Bullock ka pranuar se mbajtja e sekretit e bëri gjithçka edhe më të vështirë për të.
“Më izoloi gjatë gjithë këtij procesi”, ka thënë ajo.
ebenfalls
Sandra Bullock legte nach dem Tod ihres Partners eine vierjährige Schauspielpause ein, um sich emotional zu erholen.
Ajo ka treguar se kujdesi për Randall, rritja e dy fëmijëve të saj dhe pandemia e COVID-19 krijuan një periudhë shumë të errët në jetën e saj.
Me kalimin e kohës, Bullock vendosi t’u tregonte disa miqve të afërt, përfshirë aktoren Jennifer Aniston dhe Amanda, bashkëshorten e Jason Bateman.
Bullock ka thënë se kishte filluar të përjetonte dhimbjen e humbjes shumë kohë para se Randall të vdiste.
“Mendoj se fillova të vajtoja Bryanin katër vjet para se ai të ndahej nga jeta. Diçka kishte ndryshuar”, ka thënë ajo.
Ajo ka shtuar se Randall kishte qenë i sëmurë për të paktën gjysmën e tetë vjetëve që kaluan bashkë.
“Njeriu im u largua shumë më herët se trupi i tij”, ka thënë ajo.
Bullock ka thënë se nuk pati mundësi ta përpunonte plotësisht këtë dhimbje në atë kohë, sepse ishte e përqendruar te kujdesi për të dhe te familja.
Bullock dhe Randall nisën lidhjen në vitin 2015, pasi ai ishte fotografi në festën e ditëlindjes së djalit të saj, Louis. Ata e bënë lidhjen publike disa muaj më vonë.
ebenfalls
Prinz Harry und Meghan kehren mit ihren Kindern nach Großbritannien zurück.
Pas vdekjes së Randall, familja e tij ka thënë se ai kishte zgjedhur ta mbante private betejën me ALS dhe kërkoi që dëshira e tij të respektohej.
“Bryan ka zgjedhur ta mbante private rrugëtimin e tij me ALS dhe ne që kujdeseshim për të bëmë gjithçka për ta respektuar dëshirën e tij. Jemi jashtëzakonisht mirënjohës për mjekët dhe infermierët që qëndruan pranë nesh gjatë kësaj sëmundjeje. Në këtë moment kërkojmë privatësi për ta përballuar pamundësinë për t’i thënë lamtumirë Bryanit”, thuhej në deklaratën e familjes.
