-
Übersetzt von: Vita Abrashi-Kajtazi
- 5. Oktober 2026 23:06
- Teilen mit:
Aktori i njohur Michael Douglas ka zbuluar në librin e tij të ri me kujtime, “One Helluva Ride”, detaje të panjohura më parë për jetën e tij sentimentale, përfshirë edhe një lidhje të fshehtë me aktoren Kathleen Turner.
Douglas dhe Turner u afruan gjatë xhirimeve të filmit “Romancing the Stone” në Meksikë, në vitin 1984. Në atë kohë, Douglas ishte i ndarë nga bashkëshortja e tij e parë, Diandra Luker.
Traileri i filmit “Romancing the Stone”:
In einem Interview für Die Sunday Times, Douglas ka folur edhe për reputacionin e tij si një burrë që ka pasur marrëdhënie me shumë gra. Ai e hodhi poshtë këtë përshkrim.
“Nuk mendoj se kam fjetur me aq shumë gra. Unë nuk e shoh kështu. Jo, nuk mendoj se është kështu”, ka thënë ai.
Aktori ka thënë gjithashtu se e habit fakti që mediat britanike janë kaq të fokusuara te jeta seksuale e personazheve të famshme.
Në kujtimet e tij, Douglas mohon gjithashtu se ka qenë ndonjëherë i varur nga seksi, pavarësisht raportimeve të viteve ’90 se kishte kërkuar trajtim për një problem të tillë.
Pjesa më e bujshme e librit është rrëfimi për marrëdhënien me Kathleen Turner, të cilën të dy e kishin mohuar për rreth 40 vjet.
Douglas shkruan se kimia mes tyre gjatë xhirimeve ishte aq e fortë, sa publiku prej vitesh dyshonte se mes tyre kishte pasur diçka më shumë.
“Ne të dy e mohuam këtë gjatë gjithë këtyre viteve. Historia zyrtare ishte se kishim një kimi të jashtëzakonshme, se ishim të dy flirtues dhe se ishim tunduar, por se asgjë nuk kishte ndodhur mes nesh. Kjo ishte një gënjeshtër”, ka thënë ai.
Sipas Douglas, ata fillimisht u bënë miq, më pas kolegë dhe në fund të dashuruar.
Aktori tregon se pas ditëve të gjata të xhirimeve në xhungël, ata darkonin bashkë dhe, kur të tjerët flinin, ai shkonte fshehurazi në dhomën e hotelit të Turner.
Lidhja mori fund kur Diandra, bashkëshortja e atëhershme e Douglas, vizitoi setin e xhirimeve në Meksikë dhe nisi të dyshonte për marrëdhënien mes tyre.
Douglas rrëfen se më pas u rikthye te Diandra, kryesisht për shkak të djalit të tyre, Cameron.
“E bëra për Cameron, por nuk duhej të ishim rikthyer bashkë. Pas ndarjes së parë, marrëdhënia jonë nuk ishte më kurrë e njëjta”, ka thënë ai.
Në kujtimet e tij, Douglas tregon edhe për fillimin e lidhjes me bashkëshorten e tij aktuale, Catherine Zeta-Jones.
Pas një periudhe në distancë, Catherine i bëri të qartë se nuk dëshironte të vazhdonte lidhjen nëse ai po takohej edhe me gra të tjera.
Douglas sqaron se kur i tha asaj se duhej të bënte “pesë telefonata të shpejta”, nuk nënkuptonte se po i jepte fund pesë lidhjeve të ndryshme.
“Jo, jo, nuk ishte kështu. Catherine më tha: ‘Nëse do ta vazhdojmë këtë lidhje, atëherë dua që të jetë monogame’. Kështu që atë mbrëmje telefonova disa njerëz me të cilët po shoqërohesha dhe kaq”.
Çifti është i martuar prej 26 vjetësh. Douglas ka thënë se Catherine ende nuk e ka lexuar librin, por shtoi se martesa e tyre është në gjendje të mirë.
Pas publikimit të rrëfimit, Kathleen Turner, tashmë 72 vjeçe, reagoi me humor ndaj zbulimit të ish-partnerit të saj në ekran.
“Zot i madh, çfarë buje për diçka që ka ndodhur 40 vjet më parë! E dua Michaelin dhe mezi pres ta shijoj librin”, ka thënë ajo.
Turner kishte pranuar edhe më herët se kishte pasur ndjenja për Douglasin në atë periudhë.
“Kisha shumë dëshirë për të, por ai ishte ende i martuar me gruan e tij të parë. Edhe pse ishin të ndarë, unë mendoja se kishte shpresë për ne”, pati thënë ajo.