-
Übersetzt von: Vita Abrashi-Kajtazi
- 18. August 2026 15:20
- Teilen mit:
Reperi Kanye West, i njohur tashmë si Ye, ka njoftuar se do të performojë në Shën Petersburg të Rusisë në muajin tetor, në dy koncerte në stadiumin Gazprom Arena, ka shkruar BBC.
Biletat për stadiumin me rreth 70 mijë vende u shitën brenda pak orësh. Çmimet varionin nga rreth 78 deri në 1,394 euro.
Këto do të jenë ndër koncertet më të mëdha të një artisti perëndimor në Rusi që nga nisja e pushtimit të Ukrainës në vitin 2022.
Koncertet vijnë në një periudhë kur West po përpiqet të përmirësojë imazhin e tij pas disa vitesh me deklarata antisemitike dhe pro-naziste.
Në muajin janar, ai kërkoi falje publikisht dhe tha se sjellja e tij lidhej me një periudhë të vështirë të shëndetit të tij mendor.
ebenfalls
Italien verbietet Konzerte von Kanye West und Travis Scott aus Sicherheitsgründen
“Nuk jam nazist dhe nuk jam antisemit”, ka shkruar ai në një deklaratë publike.
West ka thënë gjithashtu se kishte kaluar një periudhë prej rreth katër muajsh me “sjellje maniake, psikotike, paranojake dhe impulsive” dhe se ishte “thellësisht i turpëruar” për veprimet e tij.
Megjithatë, deklaratat e tij kanë shkaktuar pasoja të mëdha në karrierë. Kompani të mëdha si “Adidas” dhe “Balenciaga” ndërprenë bashkëpunimin me të, ndërsa disa koncerte të turneut të tij evropian u anuluan.
Në Britani, ai nuk u lejua të hynte në vend dhe festivali "Wireless", ku ishte planifikuar të ishte performuesi kryesor, u anulua.
Koncerte u anuluan gjithashtu në Francë, Poloni, Itali dhe Çeki. Ndërkohë, shfaqjet në Spanjë, Portugali, Holandë, Turqi dhe Shqipëri u zhvilluan.
Në Rusi, situata është ndryshe
Artistët e mëdhenj perëndimorë janë bërë shumë më të rrallë në Rusi që nga nisja e luftës në Ukrainë.
ebenfalls
North West sagt ihre erste Musiktournee ab
Para vitit 2022, në Rusi kishin performuar emra të njohur si grupi Red Hot Chili Peppers, këngëtarja Lana Del Rey, Muse dhe grupi System of a Down.
Pas pushtimit të Ukrainës, shumë kompani diskografike pezulluan aktivitetet në Rusi dhe shumica e artistëve të mëdhenj perëndimorë u larguan nga tregu.
Kjo, shkuarjen Westit, e bën një ngjarje të veçantë për skenën muzikore ruse.
Vendimi i West për të performuar në Rusi ka shkaktuar edhe kritika.
Deputeti nacionalist rus Vitaly Milonov ka sugjeruar që reperi të këndojë këngë tradicionale ruse në vend të repertorit të tij.
“Ndoshta pas kësaj do t’i japë fund sjelljeve të tij të neveritshme dhe do të bëhet një njeri normal”, ka thënë Milonov.
Ndërkohë, koncertet e West në Evropë kanë marrë reagime të përziera.
ebenfalls
Der Mordprozess gegen Tupac Shakur beginnt
Në Madrid, ku performoi këtë muaj, një pjesë e madhe e publikut ishte e huaj dhe kishte udhëtuar për ta parë, pasi koncertet e tij ishin anuluar në vendet e tyre.
West ka performuar në Tiranë më 11 korrik.
