Schauspielerin Hayden Panettiere stirbt mit 36 ​​Jahren

Aktorja amerikane Hayden Panettiere, e njohur për rolet në serialet “Heroes” dhe “Nashville”, ka vdekur në moshën 36-vjeçare. Lajmin e ka konfirmuar për CNN përfaqësuesi i saj. Shkaku i vdekjes ende nuk është bërë i ditur.

“Me dhimbje të thellë njoftojmë ndarjen tragjike nga jeta të Hayden, vajzës sonë të dashur. Ajo ishte një dritë e jashtëzakonshme dhe një forcë e natyrës, që u solli dashuri dhe gëzim të pafund të gjithë atyre që e njohën, si dhe miliona njerëzve që e ndoqën në ekran”, ka thënë në një deklaratë babai i saj, Skip Panettiere.

Panettiere u bë e famshme me rolin e Claire Bennet në Heroes, ndërsa në Nashville luajti këngëtaren e re të muzikës country, Juliette Barnes. Ajo u shfaq gjithashtu në filmat “Scream 4”, “I Love You”, “Beth Cooper” dhe “Remember the Titans”.

Aktorja kishte folur hapur për betejat e saj me varësinë, depresionin pas lindjes dhe dhunën në marrëdhënie. Në kujtimet e saj të publikuara këtë vit, ajo tregoi për periudhat e vështira të jetës dhe rrugëtimin drejt rikuperimit.

Në një intervistë, Panettiere kishte rrëfyer se në një moment ishte shtruar në spital me verdhëz dhe mjekët i kishin thënë se “mëlçia e saj do të dorëzohej”.

ebenfalls Showgeschäft 19 Mai 2026 Sylvester Stallone und Jennifer Flavin feiern ihren 29. Hochzeitstag

Ajo ishte nëna e një vajze 11-vjeçare, Kaya, të cilën e kishte me ish-boksierin ukrainas Wladimir Klitschko. Për vendimin për t’ia lënë kujdestarinë vajzës Klitschkos në vitin 2018, ajo kishte thënë që ishte diçka shumë e vështirë.

“Ishte gjëja më e vështirë që mund të bëja, por gjëja më e mirë për vajzën time ishte të sigurohesha që ajo të ishte mirë, të kujdesesha për veten dhe të bëhesha një nënë e mirë për të. Ndonjëherë kjo do të thotë të lësh të shkosh”, ka thënë ajo.

Në vitin 2023, Panettiere humbi edhe vëllain e saj, aktorin Jansen Panettiere, i cili vdiq në moshën 28-vjeçare. 

“Zemërthyerja nuk mjafton për ta përshkruar atë dhimbje”, pati thënë ajo për humbjen e tij.

ebenfalls Showgeschäft 9 o. Vor Netflix strebt die Abweisung der Klage von Tyra Banks an

Përveç aktrimit dhe këndimit, Hayden Panettiere ishte aktive në çështje sociale dhe humanitare. Ajo mbështeti ndërgjegjësimin për shëndetin mendor, të drejtat e kafshëve dhe çështje mjedisore, si dhe ndihmën për Ukrainën pas nisjes së pushtimit rus.

Rrethanat e vdekjes së saj mbeten ende të paqarta.