Brad Pitt rrëfen periudhën e vështirë pas divorcit nga Angelina Jolie

Aktori i njohur, Brad Pitt ka folur hapur për një periudhë shumë të vështirë emocionale, duke zbuluar se pas ndarjes nga ish-bashkëshortja, aktorja Angelina Jolie kishte kaluar momente kur pati mendime për vetëvrasje.

Në një intervistë për revistën “Esquire”, aktori 62-vjeçar tha se kishte përjetuar një periudhë kur nuk shihte rrugëdalje nga dhimbja.

“Kam menduar për vetëvrasje vetëm një herë në jetën time. Në atë periudhë thjesht nuk shihja rrugëdalje. Dhimbja ishte aq e madhe, sa mendimi për t’i dhënë fund gjithçkaje më dukej si një çlirim”, ka rrëfyer Pitt.

Aktori ka thënë se pikërisht në atë moment kuptoi se mendimet për vetëvrasje mund të lidhen me dëshirën për t’u çliruar nga dhimbja, ndërsa instinkti i mbijetesës e ndihmoi ta kalonte atë periudhë.

“Kjo gjë nuk është e lehtë. Dhe po flisni me një njeri që e ka fituar lotarinë”, ka thënë ai, duke iu referuar jetës së tij dhe privilegjeve që ka pasur.

ebenfalls Showgeschäft 7. August 2026 North West veröffentlicht nach Tourabsage neuen Song

Kur gazetari e pyeti nëse bëhej fjalë për probleme që lidhen me fëmijët, Pitt u përgjigj shkurt: “Çështje familjare”, duke mos pranuar të jepte më shumë detaje.

Pitt dhe Jolie kanë gjashtë fëmijë: Maddox, Pax, Zahara, Shiloh dhe binjakët Vivienne e Knox. 

Jolie bëri kërkesë për divorc në vitin 2016 dhe kërkoi kujdestarinë e fëmijëve, pas një incidenti qe pretendohet të ketë ndodhur në një avion privat. FBI ka hetuar rastin, por nuk ngriti akuza ndaj Pittit.
Divorci i tyre u finalizua në dhjetor 2024, pas një beteje të gjatë ligjore.

Ndërkohë, raportet e fundit kanë sugjeruar se Pitt vazhdon të ketë marrëdhënie të vështira me disa prej fëmijëve të tij, ndërsa disa prej tyre kanë ndërmarrë hapa për të hequr mbiemrin “Pitt”.
 

ebenfalls Showgeschäft 7. August 2026 Madonna und Kylie Minogue veröffentlichen lang erwartete Zusammenarbeit