Andrew Garfield: Ich möchte dem Hollywood-Rampenlicht entfliehen.

Aktori i njohur Andrew Garfield ka folur hapur për dëshirën për t’u larguar një ditë nga jeta nën vëmendjen e vazhdueshme të Hollywoodit, ka shkruar The Independent.

Garfield ka pasur një vit shumë të ngarkuar, me disa projekte të mëdha, përfshirë filmin “Artificial”, ku luan rolin e Sam Altman, si dhe “The Magic Faraway Tree” dhe “The Uprising”.

Kur u pyet nëse mendon të largohet nga karriera publike, ai u përgjigj: “Gjithë kohën”.

Aktori ka treguar se ka punuar për 11-12 muaj rresht dhe se, edhe pse dëshiron që publiku t’i shohë filmat e tij, do të preferonte të mos ishte vazhdimisht në qendër të vëmendjes.

“Nëse do të bëja siç dua unë, njerëzit thjesht do t’i shihnin filmat dhe unë do të shkoja në fshatrat e Somersetit, të gdhendja dru dhe të mendoja se çfarë mund të jenë duke bërë zogjtë”, ka thënë ai.

ebenfalls Showgeschäft 8 o. Vor Drake tritt bei Ella Langleys Konzert in Arkansas auf

Garfield ka thënë se sot nuk është më aq i fokusuar te suksesi dhe arritjet profesionale. Për të, më e rëndësishme është cilësia e jetës, marrëdhëniet me familjen dhe miqtë, si dhe marrëdhënia me veten.

“Dua një cilësi të caktuar jete. Dua marrëdhënie të mira me familjen dhe miqtë e mi. Dhe dua një marrëdhënie të mirë me veten”, ka thënë ai.

Nuk është hera e parë që Garfield largohet nga vëmendja publike.

Në vitin 2022, pas disa projekteve të suksesshme, ai mori një pushim nga aktrimi për t’u shkëputur dhe për të reflektuar mbi jetën e tij.

ebenfalls Showgeschäft 9 o. Vor Dua Lipa nach der Hochzeit: Ich möchte herausfinden, wie Liebe aussieht, wenn man nicht mehr danach sucht.

“Më duhet të riorganizohem, të mendoj se çka dua të bëj më pas dhe kush dua të jem. Dua të jem thjesht një njeri i zakonshëm për pak kohë”, ka thënë ai.

Pas rreth dy vitesh larg ekranit, Garfield u rikthye me filmin romantik “We Live in Time” në vitin 2024.