Të gjitha shenjat janë për një rinovim kontrate për Vinicius Junior, i cili u transferua te Real Madridi në verën e vitit 2017 nga Flamengo për 45 milionë euro.
Vinicius ka luajtur gjithsej 375 ndeshje, duke shënuar 128 gola dhe duke dhënë 85 asistime.
Braziliani ka një anë tjetër shumë të rëndësishme pos arritjeve sportive - anën komerciale dhe të marketingut. Vinicius është ylli i ekipit të Brazilit si në fushë ashtu edhe jashtë saj dhe figurë kyçe te Real Madridi.
“Ai është minierë ari për të fituar para nga të drejtat e imazhit. Aktualisht, pas rinovimit në vitin 2022, klubi zotëron afër 50% të këtyre të drejtave. Mund të thuhet se Vini paguan vetë pagën e tij”, shkruan “AS” të hënën.
Vini ishte një nga futbollistët me më shumë sponsorë në Kupën e Botës 2026, me 16 në total. Neymar i kishte 20.
