Futbollistët e Shqipërisë janë nisur drejt Helsinkit pas seancës stërvitore në Cesena të Italisë.
Shqipëria të shtunën nga ora 15:00 e luan ndeshjen kundër Finlandës, në kuadër të Grupit C1 të Ligës së Kombeve.
“Ekipi i drejtuar nga trajneri Rolando Maran dhe stafi i tij zhvilloi sot një tjetër seancë stërvitore në Cesena, ku fokusi ishte te puna fizike dhe taktike. Kuqezinjtë realizuan ushtrime me ngarkesë fizike, ndërsa trajneri Maran testoi edhe skema të ndryshme taktike në funksion të sfidës së radhës”, shkruan FSHF-ja.
FSHF-ja njoftoi se Luis Hasa nuk ka stërvitur për shkak të temperaturës së lartë. Sipas njoftimit, Hasa ka udhëtuar drejt Tiranës për t’u bashkuar me ekipin për ndeshjen e fundit ndaj San Marinos.