Pos Erblin Osmanit, zhvillimin te Bayerni e vazhdojnë edhe disa futbollistë të talentuar shqiptarë. Tradicionalisht te të rinjtë e gjigantit gjerman të futbollit ka lojtarë shqiptarë.
Të shtunën ekipi U17 i Bayernit fitoi 7:1 ndaj Jahn Regensburg, në kuadër të xhiros së shtatë kampionale.
Florent Krasniqi luajti në qendër të sulmit dhe shënoi gol. 16-vjeçari i ka tashmë gjashtë gola në shtatë paraqitje.
Isuf Hiseni po ashtu shënoi gol për Bayernin U17 të shtunën. Ai luajti si zëvendësues. Hiseni është 15 vjeçar. Është i evidentuar si anëtar i Gjermanisë U16, kurse i ka dy paraqitje për Gjermaninë U15. Hiseni tashmë i ka dy gola e katër asistime në shtatë paraqitje për Bayernin U17 këtë edicion.
Lamar Rama është një tjetër futbollist me rrënjë nga Kosova që luan për Bayernin U17. Rama 16-vjeçar, i ka tri ndeshje me Bayernin U17 këtë edicion.
18-vjeçari Yll Gashi luan për ekipin e dytë të Bayernit, ku tashmë debutoi edhe Erblin Osmani.
Afrim Gashi e Skender Nuraj janë te Bayerni U19.
Futbollistë shqiptarë ka edhe në grupmoshat më të reja të Bayernit.