Mesfushori Valmir Matoshi vlerëson se Kosova është më cilësore se Izraeli. Ai ka thënë se në ekipin e Kosovës e kanë lënë prapa humbjen nga Austria.
“Për ne nuk ishte e lehtë pasi kemi mundur të shënojmë në minutat e parë. Por nuk shënuam. Më pas loja ishte krejt ndryshe. Kemi humbur topa të lehtë në pjesën e parë dhe të dytë. E kemi lënë këtë lojë anash”, ka thënë Matoshi, që u aktivizua në fillim të pjesës së dytë ndaj Austrisë.
“Presim më shumë nga të gjithë. Duhet ta fitojmë këtë ndeshje. Jemi ekip më i fortë dhe shpresojmë të fitojmë”, ka shtuar Matoshi.