Sulmuesi i Interit, Lautaro Martinez pranon forcën e Real Madridit para ndeshjes në “Santiago Bernabeu” të martën nga ora 21:00. Por ai thotë se janë gati për t’i bërë ballë Realit të udhëhequr në sulm nga francezi, Kylian Mbappe.
“Po përballemi me një ekip të shkëlqyer me shumë lojtarë të klasit të parë”, tha argjentinasi i Interit, Martinez të hënën në konferencë.
Ai thotë se Interi ka lojtarë që kanë dëshmuar nivelin e lartë.
“Ne kemi pikat tona të forta dhe lojtarë që dëshmojnë se janë të nivelit të lartë çdo vit. Gjëja më e rëndësishme është të luajmë ndeshjen më të mirë të mundshme. Ne e dimë se me kë do të përballemi. Jemi përgatitur mirë edhe pse kemi pasur pak kohë. Jemi gjithashtu gati të përballemi me Mbappen, i cili është një nga sulmuesit më të mirë në botë”, është shprehur Martinez.