Pas pensionimit të Lionel Messit nga përfaqësuesja e Argjentinës, mediumet në këtë vend kanë shkruar të mërkurën se Nico Paz është kandidati për ta zëvendësuar atë.
Ylli i Comos në Serie A, sipas mediumeve argjentinase, do ta bartë numrin 10 tek “albicelestët’.
Tetë herë fituesi i “Topit të Artë’, Messi, i vlerësuar si lojtari më i mirë i të gjitha kohëve në futboll, njoftoi për pensionimin nga Argjentina të hënën.
Ndeshja e tij e fundit me Argjentinën ishte finalja e Botërorit 2026 ndaj Spanjës, në të cilën humbi 1:0.
21-vjeçari Paz ka 11 paraqitje për Argjentinën. Ai u transferua përfundimisht te Como nga Real Madridi për 60 milionë euro. Klubi mbretëror ende e ka opsionin e blerjes së Pazit për 80 milionë euro në verën e vitit të ardhshëm.
Paz i realizoi gjashtë gola dhe nëntë asistime në edicionin e parë në Serie, A 2024/25, ndërsa ishte edhe më i mirë në edicionin e kaluar. I realizoi 12 gola, ndërsa i shtoi edhe shtatë asistime.