Remo Freuler është prej mesfushorëve startues te Zvicra. Ai zakonisht luan përkrah Granit Xhakës, por në mungesë të kapitenit po luan përkrah Ardon Jasharit.
Zvicra ka fituar 3:0 në Shkup ndaj Maqedonisë së Veriut dhe me rezultat të njëjtë ndaj Skocisë në Glasgow. Të shtunën nga ora 20:45 e pret Slloveninë në Luzern. Këto ndeshje i takojnë Ligës B të Ligës së Kombeve.
“Ardoni është lojtar i shkëlqyer”, ka thënë Freuler të premten në konferencë për shtyp.
“Është me shumë rëndësi që të kesh kohë të mjaftueshme për lojë në nivel klubesh. Më pas vjen në ekipin nacional me entuziazëm më të madh. Shpresoj se ai do të luajë më shumë te Milani këtë vit”, ka shtuar Freuler për Jasharin.
Për Xhakën, mesfushori zviceran ka thënë: “Është gjithnjë e shkëlqyer të luaj me Xhakën. Fokusohem në lojtarët që i kemi”.
Xhaka nuk është grumbulluar pasi pranoi se ka falsifikuar certifikatën për vaksinimin kundër COVID19.