Mbrojtësi i krahut, Ivan Balliu, është lojtari i radhës që mund t’i mungojë Shqipërisë për ndeshjet e Ligës së Kombeve.
Sipas Federatës Shqiptare të Futbollit, Balliu pësoi lëndim në ndeshjen që Rayo Vallecano e luajti në fundjavë kundër Osasunas në La Liga.
“Balliu i është nënshtruar rezonancës magnetike, e cila ka evidentuar një dëmtim në kyçin e këmbës dhe ka nisur programin e rehabilitimit pranë klubit të tij. Stafi mjekësor i Kombëtares shqiptare është në komunikim të vazhdueshëm me stafin mjekësor të Rayo Vallecanos për të ndjekur nga afër gjendjen e lojtarit dhe ecurinë e rikuperimit të tij”, shkruan FSHF, të martën.
Të hënën u bë e ditur se për shkak të lëndimeve Shqipëria nuk do të mund të llogarisë në Qazim Laçin dhe Adrion Pajazitin.