Albian Ajeti dy ditë më parë iu bashkua Luganos nga Baseli në formë huazimi me të drejtë blerjeje në fund të edicionit.
Të enjten debutoi dhe shënoi gol në minutën e 94-t për t’ia siguruar fitoren Luganos.
Me golin e Ajetit, Lugano fitoi 1:0 ndaj Servettes në xhiron e gjashtë të Superligës së Zvicrës. Lugano doli në vendin e parë në renditje. Pas pesë ndeshjeve i ka 15 pikë, një më shumë se Young Boysi që e ka një ndeshje më shumë të luajtur.
Sulmuesi Ajeti u inkuadrua në minutën e 67-të, ndërsa Uran Bislimi në mesfushë e kompletoi ndeshjen.
Sioni zviceran ku paraqiten Donat Rrudhani, Rilind Nivokazi dhe Benjamin Kololli, fitoi në udhëtim te Baseli i Xherdan Shaqirit.
Sioni fitoi me rezultatin 2:1.
Rrudhani ishte titullar dhe luajti deri në minutën e 66-të, ndërsa Nivokazi u inkuadrua në minutën e 67-të. Kololli mbeti në bankën rezervë. Kreshnik Hajrizi nuk luajti shkaku i një lëndimi.
Te Baseli, kapiteni Shaqiri u zëvendësua pas një ore.
Sioni është i katërti me nëntë pikë, një më pak se Baseli që është i treti.