Presidenti amerikan, Donald Trump, ka nënshkruar marrëveshjen me Danimarkën dhe Grenlandën që synon forcimin e sigurisë në Arktik dhe Atlantikun e Veriut, duke lehtësuar tensionet mbi thirrjet e tij të përsëritura që Grenlanda të bëhet pjesë e Shteteve të Bashkuara.
Nënshkrimi të martën në margjinat e Asamblesë së Përgjithshme të OKB-së në Neë York vjen disa ditë pasi Trumpi njoftoi marrëveshjen për të forcuar praninë ushtarake amerikane në ishullin e madh të akullt, por ta mbajë atë nën kontrollin danez.
Qeveritë kanë dhënë pak detaje të marrëveshjes para nënshkrimit.
Për muaj të tërë, Trumpi ka shprehur dëshirën e tij që Grenlanda të bëhet pjesë e Shteteve të Bashkuara dhe ka lëshuar kërcënime për të sekuestruar territorin gjysmëautonom nga Danimarka, një aleat i NATO-s.
