Mbreti Charles III ka paralajmëruar të enjten për "rreziqet ekzistenciale" që lidhen me rënien e Inteligjencës Artificiale në duar të gabuara, ndërsa ka hapur një samit në Skoci.
Në fjalën e tij hyrëse, mbreti ka thënë se kapacitetet e Inteligjencës Artificiale mund të përdoren potencialisht në "mënyra katastrofike" dhe se nevojiten masa të duhura kontrolli "para se të jetë tepër vonë".
Monarku anglez është parë gjatë samitit duke zhvilluar biseda me figura shumë të rëndësishme të teknologjisë, përfshirë kreun e Nvidia-s, Jensen Huang.
Kohët e fundit ka pasur një sërë paralajmërimesh mbi rreziqet që Inteligjenca Artificiale paraqet për njerëzimin.
Por presidenti amerikan, Donald Trump, ka minimizuar rreziqet e mundshme, duke thënë se për të është e rëndësishme që SHBA-ja të mos mbetet prapa Kinës në zhvillimin e AI-së.
Ai gjithashtu pretendon se po zhvillohet “konspiracion i sëmurë” për të minuar inteligjencën artificiale, teksa thotë se mbikëqyrja aktuale është e mjaftueshme për të parandaluar që modelet e AI-së të dilnin jashtë kontrollit.