-
Übersetzt von: Flutura Gashi-Mehmeti
- 13. August 2026 09:05
- Teilen mit:
Ndihmësit e afërt personalë i janë bashkuar presidentit Donald Trump në bordin e një avioni më të vogël që është nisur nga Turqia muajin e kaluar, pasi ai u largua fshehurazi nga një avion më i madh, sipas një personi në dijeni të organizimeve i cili ka folur për CNN. Ndërkohë, disa anëtarë të kabinetit mbetën në Air Force One-in e vjetër, i cili u nis pa të.
Ndihmësit që udhëtuan me Trumpin në avionin më të vogël përfshinin Natalie Harp, një asistente ekzekutive që e shoqëron rregullisht Trumpin gjatë udhëtimeve, Dan Scavino, zëvendës shef i stafit të Shtëpisë së Bardhë dhe Ëalt Nauta, drejtorin e operacioneve të Zyrës Ovale, i cili gjithashtu udhëton shpesh me presidentin.
Edhe Sekretari i Mbrojtjes, Pete Hegseth, ka udhëtuar me presidentin në avionin më të vogël C-32A, i cili u ngrit nga Ankaraja, ndërsa sekretari i Shtetit, Marco Rubio, sekretari i Thesarit, Scott Bessent dhe zëvendës shefi i stafit, Stephen Miller kanë qëndruar në avionin më të madh.
Nxitimi për të hartuar planin e fshehtë për ta nxjerrë Trumpin nga vendi me një avion alternativ është shkaktuar nga një kërcënim specifik ndaj Air Force One, me anë të një rakete të lëshuar nga një sistem portativ kundërajror, sipas personit në dijeni të çështjes. Kërcënimi është shfaqur në ditën e fundit të samitit të NATO-s të muajit të kaluar në Turqi.
Kërcënimi ishte aq specifik sa zyrtarët druheshin se jeta e Trumpit do të ishte në rrezik jashtëzakonisht të madh nëse ai do të largohej nga vendi me avionin e vjetër Air Force One ose me avionin e dhuruar nga Katari, me të cilin kishte udhëtuar drejt samitit.
ebenfalls
Die 13-jährige Suche nach dem in Syrien entführten amerikanischen Journalisten
Personi nuk ka pranuar të tregonte se nga kishte ardhur informacioni për kërcënimin, por ka thënë se ai besohej të ishte serioz, pjesërisht për shkak të faktit se iranianët dukej se dinin me shumë saktësi detaje rreth organizimeve të Trumpit në Turqi.
Trumpi ka qëndruar një natë në Ankara, kryeqytetin turk, në një hotel luksoz të një zinxhiri ndërkombëtar në qendër të qytetit dhe ka udhëtuar disa herë mes hotelit dhe ambienteve ku zhvillohej samiti.
Zyrtarët, përfshirë ata të ushtrisë dhe Shërbimit Sekret, kanë hartuar një plan për ta transferuar Trumpin në një avion tjetër përmes një kamioni furnizimi me ushqime, në mënyrë që ai të largohej nga vendi brenda pak orësh.
Trumpi kishte udhëtuar drejt Turqisë i shoqëruar nga disa zyrtarë të lartë, përfshirë Rubion, Bessentin, Hegsethin dhe kreun e shtatmadhorisë, gjeneralin Dan Caine.
Pasi Trumpi ka hipur në avion, kontejneri i kamionit të shërbimit të ushqimit është ulur, kamioni është larguar nga avioni më i madh dhe është afruar te avioni më i vogël, C-32A.
Avioni më i madh, tashmë pa presidentin në bord, është nisur rreth orës 20:44 me orën lokale, duke kaluar pikërisht pranë avionit më të vogël ku ndodhej Trumpi. Avioni më i vogël ka lëvizur nga vendi një minutë më vonë.
Të martën, Trumpi ka konfirmuar linjat kryesore të planit, por e ka minimizuar natyrën e mashtrimit.
Kur kishte ardhur momenti për të ndërruar avionët, si Rubio ashtu edhe Bessent qëndruan në bordin e avionit Boeing 747, së bashku me anëtarë të tjerë të stafit të Shtëpisë së Bardhë, personel ushtarak dhe përfaqësues të shtypit, sipas zyrtarëve amerikanë.
ebenfalls
Putins Botschaft an den Westen durch Chinas Parade
Shumica e pasagjerëve në avion nuk e dinin se Trumpi nuk ndodhej në bord.
Pasi të gjithë avionët kishin zbritur në një bazë ajrore ushtarake në Britani, Hegseth, Nauta dhe Harp u panë në video krah për krah me Trumpin, ndërsa ai ecte nga avioni i vjetër "Air Force One" drejt avionit të ri të Katarit për fluturimin e kthimit në Uashington.
