Mika Adams i Rahovecit 029 është shpallur “MVP” i javës së pestë të Superligës së Kosovës në basketboll.
Adams shkëlqeu në fitoren e Rahovecit 029 ndaj Pejës. Rahoveci 029 të shtunën e mposhti Pejën me rezultatin 106:95.
Për Rahovecin 029 ishte fitorja e parë e edicionit, pas katër humbjeve radhazi.
Amerikani Adams kontribuoi me 31 pikë, gjashtë kërcime dhe dhjetë asistime.
Adams zuri vend në pesëshen e javës bashkë me Kentrell Pullianin e Vëllaznimit, Davontrey Thomasin e Golden Eagle Yllit, Vincent Golsonin e Sigal Prishtinës dhe Kenny Hasbrouckun e Trepçës.