Sveçla: Der schrittweise Rückzug der KFOR von der Ibar-Brücke ist eine gute Nachricht, Kosovo wird gestärkt.

Ministri në detyrë i Punëve të Brendshme, Xhelal Sveçla, ka mirëpritur nisjen e procesit gradual të largimit të trupave të KFOR-it nga ura Kryesore e Mitrovicës. Ai ka deklaruar se, me përmirësimin e situatës së sigurisë, do të reduktohet edhe prania e Policisë së Kosovës në urën kryesore të Mitrovicës.

Ai tha se procesi do të vijojë në koordinim të ngushtë me KFOR-in, i cili deri tani ka pasur përgjegjësinë për sigurinë në këtë urë, ndërsa Policia e Kosovës po rrit kapacitetet e saj.

"Patjetër që ky është një lajm i mirë. Gjithë procesi do të vijojë në koordinim të ngushtë me KFOR-in, i cili deri tani ka pasur përgjegjësinë e sigurisë në këtë urë", tha Sveçla për RTK Live. "Po, sigurisht që me përmirësimin e sigurisë edhe vet prezenca e Policisë së Kosovës do të reduktohet. Është një proces afatshkurtër, i cili do të ofrojë garancë për të gjithë se hapja e urës do të jetë një e mirë për të gjithë, pa pasur ndikim negativ ndaj askujt. Do të vijë momenti kur hapat e ardhshëm edhe do të bëhen publik, edhe do të shihen ashtu siç po shihen sot. Dhe një gjë e cila ka qenë brengë, por edhe simbol i ndarjes për 27 vite do të jetë një kujtim".

Ai ka thënë se institucionet janë të angazhuara që procesi të përfundojë sa më mirë dhe ka paralajmëruar zhvillime të reja.

"Të gjithë jemi të angazhuar që ky proces të përfundojë sa më mirë që është e mundshme, shumë shpejt do të kemi lajme të tjera të mira", tha ai.

ebenfalls Arberi 19 Min. Vor Marmullakaj: Ohne die Verfassung der Nationalversammlung wird das Land keine Wahlen abhalten.

Duke komentuar deklaratat nga Serbia dhe zhvillimet e fundit që lidhen me sigurinë, Sveçla ka thënë se Kosova është forcuar dhe se është e gatshme të garantojë siguri për të gjithë.

"Po, për sa i takon deklaratave, ne jemi mësuar të dëgjojmë në vazhdimësi deklarata të cilat cenojnë sovranitetin, e rrezikojnë rrezikun, e rrezikojnë sigurinë e Republikës së Kosovës. Me thënë të drejtën, nuk është se edhe na bën përshtypje, për shkak se nuk jemi të befasuar nga qëndrimet e tyre. Ashtu siç kam deklaruar edhe më herët, Serbia nuk ka ndryshuar, është po ajo e 98-99-ës, po ajo edhe e viteve të mëhershme. Por, Kosova nuk është më e njëjta. Kosova po forcohet, Kosova realisht po ecën përpara dhe është e gatshme që të marrë të gjitha përgjegjësitë për të garantuar siguri për të gjithë. Dhe përmes kësaj të ofrojmë rrugë e qasje për zhvillim e prosperitet më të tejshëm të Republikës së Kosovës", tha ai.