--- description: "Më 10 dhjetor 2025 pritet të nisë gjykimi për korrupsion në rastin e “Rezervave shtetërore” ndaj ministres në detyrë të Industrisë, Ndërmarrësisë dhe Tregtisë, " title: Më 10 dhjetor nis gjykimi për korrupsion ndaj Hajdarit dhe të tjerëve në rastin e “Rezervave shtetërore” image: https://resources.koha.net/images/2025/November/14/7e4685c7-89bb-48b1-ac8c-6a131485b7d8.webp?w=1200&r=fill&q=80 --- --- Mbështete KOHËN. Ruaje të vërtetën [Kontribuo](https://www.koha.net/na-mbeshtetni?utm_source=koha&utm_medium=website&utm_campaign=crowdfunding&utm_content=top) [Letër lexuesit](https://www.koha.net/leter-nga-redaksia) × ![](https://www.koha.net/assets/favicon/android-icon-192x192.png?v=2.0.0) **KOHA** Lajmet e fundit, gjithmonë me ju Instalo Arbëri # Më 10 dhjetor nis gjykimi për korrupsion ndaj Hajdarit dhe të tjerëve në rastin e “Rezervave shtetërore” ![Rozeta Hajdari](https://resources.koha.net/images/2025/November/14/7e4685c7-89bb-48b1-ac8c-6a131485b7d8.webp?q=80&w=860&h=550&r=fill) Foto: Driton Paçarada - 19 nëntor 2025 14:54 - Shpërndaje në: - 19 nëntor 2025 14:54 - Shpërndaje në: Më 10 dhjetor 2025 pritet të nisë gjykimi për korrupsion në rastin e “Rezervave shtetërore” ndaj ministres në detyrë të Industrisë, Ndërmarrësisë dhe Tregtisë, Rozeta Hajdari, si dhe ndaj Irfan Lipovicës, Hafiz Garës e Ridvan Muharremit. Kështu ka konfirmuar për “Betimi për Drejtësi“, Mirlinda Gashi- zëdhënëse e Gjykatës Themelore në Prishtinë. “Referuar kërkesës tuaj për informata, ju njoftojmë se seanca e shqyrtimit fillestar në çështjen penale ndaj të pandehurve R.H., I.L., H.G., dhe R.M. është caktuar të mbahet me datë 10.12.2025 në ora 09:30”, tha Gashi. Ndryshe, Prokuroria Speciale e Republikës së Kosovës (PSRK) më 11 nëntor 2025 ka ngritur aktakuzë ndaj ministres në detyrë të Industrisë, Ndërmarrësisë dhe Tregtisë, Rozeta Hajdari, si dhe ndaj Irfan Lipovicës, Hafiz Garës e Ridvan Muharremit lidhur me rastin e njohur si “Rezervat shtetërore”. Ministrja Hajdari, ish-zëvendëssekretari i MINT, Irfan Lipovica, si dhe drejtori i Departamentit të Rezervave Shtetërore në MINT, Hafiz Gara, akuzohen për kryerjen e veprave penale “Keqpërdorim i pozitës apo autoritetit zyrtar” dhe për “Zbulim të fshehtësisë zyrtare”. Ndërsa, afaristin Ridvan Muharremi i njohur si “Ridi”, PSRK-ja po e akuzon për kryerjen e veprës penale “Ndihmë në kryerjen e veprës penale të keqpërdorimit të pozitës apo autoritetit zyrtar”. Bazuar në aktakuzën e PSRK-së, të pandehurit Rozeta Hajdari në cilësinë e ministres së Industrisë, Ndërmarrësisë dhe Tregtisë, Irfan Lipovica si zëvendëssekretar dhe Hafiz Gara në pozitën e Drejtorit të Departamentit të Rezervave Shtetërore, në kundërshtim me Ligjin për Prokurim Publik, duke iu shmangur procesit të konkurrencës, me procedurë të negocimit kishin negociuar dhe më pas nënshkruar kontratën me kompaninë turke “Yafe Turizm Indaat Sanayi ve Ticaret Anonim Sirketi” me seli në Bursa të Turqisë, për blerjen e 10 mijë tonë grurë me çmim prej 4,834,778.00 euro. Aty thuhet se çmimi për blerje të grurit ishte kontraktuar 193.48 euro më i lartë sesa çmimi mesatar i tregut. Në aktakuzë më tej thuhet se të pandehurit Hajdari, Lipovica dhe Gara kanë negociuar dhe nënshkruar kontratë edhe me kompaninë “Xanto SP. ZO. O” me seli në Gdynia të Polonisë për blerjen e 200 mijë litra vaj dhe 120 mijë kilogramë sheqer. Mirëpo, përkundër pagesës së kryer, malli nuk ishte pranuar asnjëherë. Hajdari, Lipovica, Gara ngarkohen se zbuluan fshehtësinë zyrtare duke ia vënë në dispozicion Muharremit informatën për vendndodhjen e deponimit të grurit si mall i rezervës shtetërore. [Edhe ![Konfirmohet aktakuza ndaj Hajdarit dhe të tjerëve për rezervat shtetërore](https://resources.koha.net/images/2026/March/17/92b1ee04-f875-4b0d-9c5a-47faf974efbd.webp?w=100&h=100&r=fill&q=80) Arbëri 17 mar 2026 Konfirmohet aktakuza ndaj Hajdarit dhe të tjerëve për rezervat shtetërore](https://www.koha.net/arberi/konfirmohet-aktakuza-ndaj-hajdarit-dhe-te-tjereve-per-rezervat-shteterore) Po ashtu, “Betimi për Drejtësi” raportoi edhe për atë se cili ishte roli i Hajdarit, Lipovicës, Garës e Muharremit, sipas aktakuzës së PSRK-së në procesin e blerjes së “Rezervave shtetërore”./BetimipërDrejtësi     [#rezervat shteterore](https://www.koha.net/tag/rezervat-shteterore) [#Rozeta Hajdari](https://www.koha.net/tag/rozeta-hajdari) [#hafiz gara](https://www.koha.net/tag/hafiz-gara) [#Irfan Lipovica](https://www.koha.net/tag/irfan-lipovica) [#Ridvan Muharremi](https://www.koha.net/tag/ridvan-muharremi) Artikuj të ngjashëm - [![Shtyhet seanca për rezervat shtetërore, munguan Rozeta Hajdari e avokati i Lipovicës](https://resources.koha.net/images/2025/December/10/809c3968-6ea3-4dca-abe2-65f5050a4059.webp?w=100&h=100&r=fill&q=80) Arbëri 10 dhj 2025 Shtyhet seanca për rezervat shtetërore, munguan Rozeta Hajdari e avokati i Lipovicës](https://www.koha.net/arberi/sot-nis-procesi-gjyqesor-per-rezervat-shteterore) - [![Konfirmohet aktakuza kundër ish-ministres Rozeta Hajdari](https://resources.koha.net/images/2026/January/13/6709fa8e-7c83-42c2-8f9a-3b02ea89caa7.webp?w=100&h=100&r=fill&q=80) LAJMET E MBRËMJES 17 mar 2026 Konfirmohet aktakuza kundër ish-ministres Rozeta Hajdari](https://www.koha.net/lajmet-e-mbremjes-ktv/konfirmohet-aktakuza-kunder-ish-ministres-rozeta-hajdari) - [![Mbyllet për publikun seanca për rezervat shtetërore](https://resources.koha.net/images/2026/January/13/797c1faa-030e-40dd-8fab-e5f57fe86187.webp?w=100&h=100&r=fill&q=80) Arbëri 13 jan 2026 Mbyllet për publikun seanca për rezervat shtetërore](https://www.koha.net/arberi/hajdari-dhe-te-tjeret-para-gjykates-sot-lidhur-me-rastin-e-rezervave-shteterore) - [![Si shkoi dëmi afër 3 milionë euro në rastin e rezervave shtetërore](https://resources.koha.net/images/2024/September/19/895ec04a-17f3-4e4f-9df5-990623aa5030.webp?w=100&h=100&r=fill&q=80) Arbëri 11 nën 2025 Si shkoi dëmi afër 3 milionë euro në rastin e rezervave shtetërore](https://www.koha.net/arberi/si-shkoi-demi-afer-3-milione-euro-ne-rastin-e-rezervave-shteterore) [Kronikë.]() [Vazhdon rigjykimi i Endrit Nikës, dëshmon mjekja që ia dha ndihmën e parë viktimës argjentinase](https://www.koha.net/kronike/vazhdon-rigjykimi-i-endrit-nikes-deshmon-mjekja-qe-ia-dha-ndihmen-e-pare-viktimes-argjentinase) [Showbiz.]() [Përfaqësuesit e Elvis Presley dhe Eminem padisin “Suno” për shkelje të të drejtave të autorit me AI](https://www.koha.net/showbiz/perfaqesuesit-e-elvis-presley-dhe-eminem-padisin-suno-per-shkelje-te-te-drejtave-te-autorit-me-ai) [Botë.]() [Të paktën 34 të vdekur pas fundosjes së një barke në Senegal që barte migrantë](https://www.koha.net/bote/te-pakten-34-te-vdekur-pas-fundosjes-se-nje-barke-ne-senegal-qe-barte-migrante) [Futboll.]() [Asllani e Gruda në ekipin e xhiros në Bundesligë](https://www.koha.net/futboll/asllani-e-gruda-ne-ekipin-e-xhiros-ne-bundeslige) [Botë.]() [Shkencëtarët parashikojnë se 2026-ta do të jetë viti më i nxehtë i regjistruar ndonjëherë](https://www.koha.net/bote/shkencetaret-parashikojne-se-2026-ta-do-te-jete-viti-me-i-nxehte-i-regjistruar-ndonjehere) [Futboll.]() [Fisnik Asllani: “Nuk do të mund të shkruaja tregim më të mirë”](https://www.koha.net/futboll/fisnik-asllani-nuk-do-te-mund-te-shkruaja-tregim-me-te-mire) ```json {"@context":"https://schema.org","@type":"NewsArticle","headline":"Më 10 dhjetor nis gjykimi për korrupsion ndaj Hajdarit dhe të tjerëve në rastin e “Rezervave shtetërore”","mainEntityOfPage":"https://www.koha.net/arberi/me-10-dhjetor-nis-gjykimi-per-korrupsion-ndaj-hajdarit-dhe-te-tjereve-ne-rastin-e-rezervave-shteterore","datePublished":"2025-11-19T14:54:44+01:00","dateModified":"2026-07-11T14:15:05+02:00","articleSection":"Arbëri","wordCount":482,"author":{"@type":"Organization","name":"KOHA.net","url":"https://www.koha.net/","logo":{"@type":"ImageObject","url":"https://www.koha.net/assets/images/Koha_Logo.svg"}},"publisher":{"@type":"Organization","name":"KOHA.net","url":"https://www.koha.net/","logo":{"@type":"ImageObject","url":"https://www.koha.net/assets/images/Koha_Logo.svg"}},"description":"Më 10 dhjetor 2025 pritet të nisë gjykimi për korrupsion në rastin e “Rezervave shtetërore” ndaj ministres në detyrë të Industrisë, Ndërmarrësisë dhe Tregtisë, ","url":"https://www.koha.net/arberi/me-10-dhjetor-nis-gjykimi-per-korrupsion-ndaj-hajdarit-dhe-te-tjereve-ne-rastin-e-rezervave-shteterore","keywords":"rezervat shteterore, Rozeta Hajdari, hafiz gara, Irfan Lipovica, Ridvan Muharremi","inLanguage":"sq-AL","image":"https://resources.koha.net/images/2025/November/14/7e4685c7-89bb-48b1-ac8c-6a131485b7d8.webp?w=1200&r=fill&q=80"} ```