Ndonëse si të plota i kanë numrat në Kuvend, marrëveshja mes Vetëvendosjes dhe Lidhjes Demokratike të Kosovës nuk e garanton zgjedhjen e Bekim Sejdiut president. I propozuari nga dy partitë, nuk e ka mbështetjen e gjashtë deputetëve të LDK-së.
Avdullah Hoti, Hykmete Bajrami, Arben Gashi, Janina Ymeri, Armend Zemaj e Kujtim Shala kanë dalë kundër marrëveshjes, e cila madje u mbështet edhe nga Kryesia e partisë.
Në konferencën për media të martën, pas mbledhjes së Grupit Parlamentar të LDK-së, kryetari i subjektit të tretë më të madh në vend, Lumir Abdixhiku, i fajësoi këta deputetë se po e çojnë Kosovën drejt zgjedhjeve të reja.
„Dies war kein Kampf gegen mich, der Kampf gegen mich endete in der LDK-Versammlung. Es war ein Kampf für die Republik Kosovo. Professor Dr. Bekim Sejdiu ist ein hervorragender Kandidat der LDK, der für institutionelles Gleichgewicht sorgen, jegliche Tendenz zur Verfassungsverletzung unterbinden und die Verfassung selbst angesichts der Macht der Vetëvendosje-Bewegung verteidigen würde. Ich bedauere, dass die Haltung gegen die Entscheidung des Präsidialamtes und gegen die LDK der Republik und insbesondere der LDK schadet. Und künftige Wahlen werden aufgrund dieser Ablehnungen Konsequenzen für die Wahlergebnisse haben“, sagte Abdixhiku.
Abdixhiku e ka lënë të hapur ndërmarrjen e masave ndaj këtyre deputetëve.
Këta deputetë kundërshtues kanë thënë se janë kundër zgjatjes së pushtetit kryeministrit në detyrë, Albin Kurtit.
Me këto kundërshtime, LDK-së i mbeten 12 vota në dispozicion për zgjedhjen e presidentit. Abdixhiku ka thënë se me vetë i 12-ti do të jetë në seancën për presidentin.
Në anën tjetër, Vetëvendosja i ka 53 deputetë. Për konstituim të Kuvendit dhe formim të Qeverisë, kjo parti ka thënë se i ka në dispozicion 62 vota bashkë me deputetë të komuniteteve. Me të gjithë deputetët e LDK-së, numri do të mbërrinte në 80, aq sa është i domosdoshëm për dy rundet e para të votimit për president.
Pavarësisht se nuk mbërrihet ky numër për shkak të kundërshtimeve brenda LDK-së, kryetari i Vetëvendosjes, Albin Kurti, ka thënë se marrëveshja me LDK-në për propozimin e Bekim Sejdiut për president qëndron. Kurti ka thënë se i duhet të takohet sërish me kryetarin e LDK-së. Sipas tij, në Grupin Parlamentar të VV-së mbështetja për Sejdiun është e plotë.
“Natyrisht kjo mbledhje ishte në dijeni të zhvillimeve të orëve të fundit, ku në njërën anë ishte shpresëdhënës qëndrimi i Kryesisë së LDK-së për mbështetje të plotë për profesor Bekim Sejdiun si emër për president që u pajtuam dy subjektet. Por, më pas patëm njoftimin negativ që gjashtë deputetë nga 18 sa i ka LDK-ja nuk e mbështesin profesor Bekim Sejdiun për president të Republikës së Kosovës. Është situatë e re që kërkon që në njërën anë të takohemi përsëri me kreytarin e LDK-së por edhe me Kryesinë e Vetëvendosjes”, ka thënë Kurti të martën.
Dy partitë tjera parlamentare, Partia Demokratike me 22 deputetë dhe Aleanca me 7 janë shprehur kundër votimit për Sejdiun, si kandidat të përbashkët nga marrëveshja e arritur të hënën mes VV-së dhe LDK-së.
Nga shkurti 2015, Kosova ka mbajtur tri palë zgjedhje. Pas konstituimit të Kuvendit, rrjedh afati 60 ditor për zgjedhjen e presidentit.
Kuvendi nuk është konstituuar pas zgjedhjeve të 7 qershorit, me kërkesë të Kurtit për të negociuar për çështjen e presidentit.