Das Gericht sprach die drei Angeklagten vom Vorwurf des dreifachen Mordes in Gllogjan frei, verurteilte zwei von ihnen jedoch wegen illegalen Waffenbesitzes.

Gjykata Themelore në Pejë ka shpallur të hënën aktgjykim lirues ndaj Halil, Kreshnik dhe Kastriot Mehmetajt për akuzat që lidhen me vrasjen e trefishtë të 26 nëntorit 2021 në Gllogjan, ku u vranë dy nxënës dhe shoferi i autobusit. Ndërkaq, Halil dhe Kreshnik Mehmetaj u shpallën fajtorë për armëmbajtje pa leje dhe u dënuan me nga 3, respektivisht 1 vit burgim. Prokurorja e rastit, Sahide Gashi, ka paralajmëruar ankesë ndaj këtij vendim.

Gjykata Themelore në Pejë ka shpallur aktgjykim lirues ndaj tre të akuzuarve, Kastriot, Kreshnik dhe Halil Mehmetaj, lidhur me akuzën për vrasjen e trefishtë të 26 nëntorit 2021, ku kishin mbetur të vdekur dy nxënës dhe shoferi i autobusit.

Të tre të dyshuarit, akuzoheshin se, më 26 nëntor 2021, nën motivin e hakmarrjes, kanë shtënë me kallashnikov në drejtim të një autobusi në Gllogjan, ku mbetën të vrarë dy nxënës 17-vjeçarë dhe shoferi i autobusit.

Kastriot dhe Kreshnik Mehmetaj u liruan nga akuza për veprën penale “Vrasje e rëndë” në bashkëkryerje, kurse Halil Mehmetaj u lirua nga akuza për veprën penale “Shtytje në vrasje të rëndë”.

“Të pandehurit Kastriot dhe Kreshnik Mehmetaj, me shënimet personale si në shkresat e lëndës, për veprën penale si në dispozitivin 1 të aktakuzës, lirohen nga akuza. I pandehuri Halil Mehmetaj, me shënimet personale si në shkresat e lëndës, lirohet nga akuza për shkak të veprës penale shtytje në vrasje të rëndë për veprën penale si në dispozitivin 3 të dispozitivit të aktakuzës, i pandehuri Kastriot Mehmetaj lirohet nga akuza që ka të bëjë me veprën penale mbajtja në pronësi, kontroll ose posedim të paautorizuar të armëve”, tha kryetari i trupit gjykues, Leon Përlaska.

Por, Halil dhe Kreshnik Mehmetaj u shpallën fajtorë për armëmbajtje pa leje.

ebenfalls Arberi 29 mar 2026 Der Oberste Gerichtshof spricht Ilir Haxhijaj frei, der wegen schwerer Körperverletzung mit Todesfolge an einer 54-jährigen Frau angeklagt war.

Halil Mehmetaj u dënua me 3 vjet burgim, kurse Kreshnik Mehmetaj me 1 vit burgim.

“Të pandehurit Halil dhe Kreshnik Mehmetaj, me shënimet si në shkresat e lëndës, për veprën penale si në dispozitivin 3 të aktakuzës, shpallen fajtorë për shkak të veprës penale mbajtja në pronësi, kontroll ose posedim të paautorizuar të armëve. Të pandehurit Halil Mehmetaj i shqiptohet dënim me burgim në kohëzgjatje prej 3 vjetësh. Të pandehurit Kreshnik Mehmetaj i shqiptohet dënim me burgim në kohëzgjatje prej 1 viti, i cili dënim do të ekzekutohet pas plotfuqishmërisë së këtij aktgjykimi”, tha Përlaska.

Gjykata kishte vendosur më 10 korrik 2026 për rihapjen e gjykimit, pas paraqitjes së disa provave të reja. Më 19 gusht, këto prova u administruan si prova materiale nga Gjykata Themelore në Pejë.

Pas vendimit të së hënës të Gjykatës, ka reaguar edhe prokurorja e rastit, Sahide Gashi, e cila është shprehur se beteja vazhdon.

ebenfalls Arberi 54 Min. Vor Maliqi zum Mord an dem 25-Jährigen: Die registrierte Waffe hätte vom Verdächtigen ferngehalten werden müssen.

“Prokuroria mendon që përtej çdo dyshimi e ka bazuar në shumë prova. Kështu që, thashë edhe njëherë, beteja vazhdon. Kjo është vetëm shkalla e parë. Do t’i shkojmë deri në fund”, tha Gashi.

Sipas aktakuzës së ngritur më 5 maj 2023 nga Prokuroria Themelore në Pejë, të pandehurit Halil, Kastriot dhe Kreshnik Mehmetaj, ngarkoheshin se më 26 nëntor 2021, në fshatin Gllogjan, Komuna e Deçanit, saktësisht në rrugën “Ismajl Haradinaj”, të shtyrë nga hakmarrja, në marrëveshje e bashkëveprim me njëri-tjetrin, privojnë nga jeta tre persona, dy prej tyre të cilët ishin fëmijë.