Behrami: Kurti hat den Termin der nächsten Wahlen festgelegt.

Deputeti i zgjedhur i Partisë Demokratike të Kosovës (PDK), Artan Behrami, ka akuzuar kryeministrin në detyrë njëherësh kryetarin e Lëvizjes Vetëvendosje, Albin Kurti, se synimi i tij është ta çojë vendin në zgjedhje të reja, duke pretenduar se data e tyre tashmë është caktuar dhe do të jetë 27 dhjetori. 

Sipas Behramit, kriza politike që nisi në fund të vitit 2024 po vazhdon dhe vendi ka hyrë në një fazë të rrezikshme për rendin kushtetues dhe funksionimin e shtetit.

“Kriza e cila ka filluar në fund të 2024-s është duke vazhduar. Jostabiliteti politik po vazhdon. Kemi hyrë në një fazë shumë të rrezikshme për rendin kushtetues dhe për shtetin e Kosovës, sepse durimi i qytetarëve është sosur, durimi i partnerëve ndërkombëtarë është sosur. Njerëzit janë lodhur nga lojërat e fajësimit të partisë në pushtet”, ka deklaruar ai në “Interaktiv” të KTV-së.

Behrami ka kritikuar edhe ushtruesen e detyrës së presidentes, Albulena Haxhiu, duke thënë se ajo ka mundur ta thërriste më herët seancën konstituive të Kuvendit dhe se nisma për dialog politik para konstituimit të institucioneve është vetëm një mënyrë për të fituar kohë.

“Haxhiu ka mundur më herët ta thirr Kuvendin. Kjo strategjia për me fillu dialogun politik para konstituimit është strategji për blerje të kohës”, ka thënë ai.

ebenfalls Arberi vor 2 Monaten Die regierende Partei wird dafür kritisiert, Staatsgelder zum Stimmenkauf zu missbrauchen.

Sipas deputetit të zgjedhur të PDK-së, takimet e thirrura nga Kurti nuk kanë për qëllim arritjen e një marrëveshjeje politike, por krijimin e perceptimit se përgjegjësia për mosformimin e institucioneve bie mbi partitë opozitare.

“Kurti synon zgjedhje të reja. Takimet që i ka thirrur janë mekanizëm i fajësisë për të tjerët dhe për të krijuar perceptimin se ka pasur gatishmëri për koalicion, por partitë opozitare nuk po duan”, u shpreh ai.

Behrami shkoi edhe më tej, duke pretenduar se kryeministri në detyrë tashmë e ka vendosur datën e zgjedhjeve të ardhshme.

“Qytetarët duhet ta dinë se Kurti e ka zgjedhur datën e zgjedhjeve të radhës. Është 27 dhjetori”, deklaroi Behrami, duke shtuar se oferta e vetme e Kurtit për partitë e tjera është që vendi të shkojë sërish në zgjedhje.

ebenfalls Arberi vor 1 Monaten Kurti: Es ist an der Zeit, im Einklang mit dem Willen der Bürger zu handeln.

Ushtruesja e detyrës së presidentes, Albulena Haxhiu, gjatë ditës së sotme bëri të ditur se seanca konstituive është caktuar më 6 gusht në orën 10:00. Afati i fundit për konstituimin e Kuvendit është 7 gushti.

Nga data se kur konstituohet Kuvendi, nis rrjedhja e afatit 60-ditor për zgjedhjen e presidentit.