Franca është Kampione e Botës në futboll pasi ka mposhtur “gjeneratën e artë” të Kroacisë me rezultat 4 me 2.
Përbërja e Kroacisë me liderin Luka Modriq, Ivan Rakitiq e Mario Manxhukiq konsiderohej si gjenerata e artë e futbollit kroat që prej vitit 1998 kur u mposhtën nga Franca në gjysmëfinale dhe në fund përfunduan në vendin e tretë të atij Botërori.
Sivjet, Franca me lojtarë të rinj u përkujdesën për një rezultat të lartë që filloi me autogolin e Manxhukiqit, pastaj gola realizuan edhe Griezmann, Pogba e Mbappe.
Për kroatët realizuan Ivan Perishiq dhe Manxhukiq.
Ky është titulli i dytë i botës për Francën pas të parit në vitin 1998.
Dy gola të shpejtë në finalen e Botërorit
Hugo Lloris është përkujdesur që të zgjojë nga gjumi Kroacinë pasi me një gabim amatoresk ia mundësoi Mario Manxhukiqit që të realizojë për rezultatin 4 me 2, vetëm pak minuta pasi realizoi Kylian Mbappe.
Franca i afrohet titullit të botës me golin e tretë
Paul Pogba ka realizuar golin e tretë për Francën në minutën e 59-të, për t’iu afruar edhe më shumë titullit të Kampionit të Botës.
Mesfushori francez me një goditje të fuqishme me këmbën e majtë realizoi golin për rezultatin 3 me 1.
#Pogba é golllllll #frança #france #AllesLesBleus pic.twitter.com/IKqVgUjOvy
— Petterson (@Pettersonof) July 15, 2018
Kroacia mendon për rikthimin në lojë, Franca ta ruajë rezultatin në pjesën e dytë
Kroacia duhet të mendojë për kthimin në lojë pas disavantazhit 2 me 1 nga Franca në pjesën e parë.
Nga mesi i fushës pjesën e dytë e nisi Franca që i duhet të ruajë këtë rezultat për të prekur trofeun e Kampionatit Botëror.
Franca shkon në pushim me epërsi
Pjesa e parë e finales së Botërorit ka përfunduar me epërsinë 2 me 1 të Francës kundër Kroacisë.
Franca kaloi e para në epërsi me autogolin e realizuar nga Mario Manxhukiq në minutën e 28.
Dhjetë minuta më vonë Ivan Perishiq ktheu në lojë Kroacinë me golin e realizuar, por i njëjti lojtar shkaktoi një penaltinë të cilën në minutën e 39 në gol e ktheu Antoine Griezmann.
Franca kthen epërsinë me ndihmën e VAR-it
Antoine Griezmann ka kthyer epërsinë e Francës ndaj Kroacisë me penaltinë e akorduar me ndihmën e VAR-it.
Ivan Perishiq që para disa minutave realizoi golin e barazimit, u shndërrua në figurën tragjike për Kroacinë pasi preku topin me dorë në zonë dhe gjyqtari kërkoi ndihmën e teknologjisë VAR për të akorduar penaltinë që në gol e shndërroi sulmuesi 27-vjeçar.
The first ever #WorldCup Final decided by VAR ? Might be a bit early for that .... but what a great start to the game ... #Griezmann scores #Fra 2 #Cro 1 pic.twitter.com/MUVD9LfbaD https://t.co/GjKF6dUis3
— Sam Matterface (@sammatterface) July 15, 2018
Kroacia kthehet në lojë me golin e Perishiqit
Ivan Perishiq me një goditje të fuqishme me këmbën e majtë, ka kthyer në lojë përfaqësuesen e tij, Kroacinë në finalen që po e zhvillon ndaj Francës.
Kur po zhvillohej minuta e 28 Demagoj Vida pasoi në drejtim të Perishiqit që me një lëvizje kaloi N’Golo Kanten dhe në hapin e radhës lansoi goditjen e pandalshme nga Lloris.
#Perišić!!
— Luca Veneruso?? (@il_lidl) July 15, 2018
Gol fantastico del croato interista!#FranciaCroazia 1-1 pic.twitter.com/zeRgEa2kws
Franca në epërsi me autogolin e Manxhukiqit
Franca ka kaluar në epërsi ndaj Kroacisë me një autogol të realizuar nga Mario Manxhukiq.
Kur po zhvillohej minuta e 18 Antoine Griezmann harkoi nga gjuajtja e lirë dhe goditjen e tij me kokë në portë e devijoi sulmuesi shtatlartë kroat.
WOUAAAIIIIIIIII! ! BUUUUUUUTTTTT! !!!!
— Militant.FI.André.D (@Circonscripti18) July 15, 2018
Allez les #bleus ! !!!!!!!#France 1 - #Croatie 0#FranceCroatie #CoupeDuMonde #Mondial2018 #CoupeDuMonde2018 pic.twitter.com/ClddaL27nY
Iniciativë e lehtë e Kroacisë në finale
Kur kanë kaluar pesë minutat e parë të finales, Kroacia ka një iniciativë të lehtë ndaj Francës.
Kroatët me dy gjysmëraste tentuan të rrezikojnë portën e Hugo Lloris por mbrojtja franceze u tregua e vëmendshme për të bllokuar dy sulmet.
Nis finalja e Botërorit
Ka filluar finalja e Botërorit mes Francës dhe Kroacisë.
Francezët për herë të fundit kampionë botërorë ishin në vitin 1998 kur mposhtën Brazilin në finale derisa për Kroacinë kjo është finalja e parë në një Botëror.
Po në vitin 1998, Kroacia zuri vendin e tretë.
-
15 korrik 2018 16:59
-
Shpërndaje në: