Daliq: Anglia do të duhej ta respektonte më shumë Kroacinë Foto: Reuters

Daliq: Anglia do të duhej ta respektonte më shumë Kroacinë

12 korrik 2018 19:50

Trajneri i Kroacisë, Zlatko Daliq ka thënë se Anglia do të duhej ta respektonte më tepër Kroacinë në prag të sfidës gjysmëfinale të Botërorit.

Kroacia arriti ta përmbyste rezultatin ndaj Anglisë, duke fituar takimin në vazhdime me rezultat prej 2 me 1 duke siguruar kualifikimin në finale të Botërorit për herë të parë në histori të shtetit, transmeton Koha.net.

Para përballjes shumë media britanike e analistë kishin sugjeruar se Kroacia ishte kundërshtari më i lehtë që Anglia do të mund ta kishte përballë në këtë fazë të Botërorit, dhe sipas Daliqit këto komente të mediave britanike e kanë motivuar ekipin e tij.

“Gjithmonë ka motivim ekstra dhe gjithmonë i respektojmë kundërshtarët tanë. Ndoshta ekipi anglez do të duhej të na respektonte më tepër, veçanërisht kur dihet se ku luajnë lojtarët tanë, por ky është futbolli dhe sporti. Ndoshta komentet në mediat britanike ishte një nga elementet që na rritën motivimin, megjithatë ishte edhe motivimi për të luajtur në finale dhe për ta bërë popullin dhe vendin tonë të lumtur”, është shprehur Daliq.

Kroacia synon ta shkruajë historinë të dielën ndaj Francës në finale, që do të ishte hera e parë për këtë kombëtare nëse arrin të shpallet kampion bote.

© KOHA

Komentet

Shto koment

Të ngjashme