Botërori 2018

Neymari kërkon ngritje të formës ndaj Kosta Rikës

Neymari ka pranuar se nga Brazili është kërkuar të bëjë më shumë në ndeshjen kundër Kosta Rikës.

Brazilianët dështuan të tregojnë se janë favoritë të kampionatit kur barazuan 1 me 1 me Zvicrën të dielën mbrëma.

Kundër zviceranëve, Neymari me shokë e kishte të pamundur të tregonte formën më të mirë, por i kërkohet më shumë punë ndaj Kosta Rikës dhe Serbisë.

“Shpresoj të luajmë lojë më të mirë sesa kundër Zvicrës dhe duam të fitojmë”, ka thënë Neymari.

“Duam të luajmë mirë. E kemi parë lojën e Kosta Rikës por e rëndësishme është që ne të luajmë lojën tonë”, ka shtuar ai.

Në krye të grupi E është Serbia që në ndeshjen e parë mposhti Kosta Rikën me rezultat 1 me 0.