Moskë, 24 mars - Referendumi për hyrjen e Osetisë Jugore në përbërje të Federatës Ruse pritet të mbahet pas zgjedhjeve presidenciale në këtë vend, që mbahen muajin e ardhshëm. Kështu deklaroi kryetari i Kuvendit, Anatolij Bibilov, transmetojnë mediet, transmeton Koha. net.
“Nuk është gjë e fshehtë se populli i Osetisë Jugore dëshiron të bëhet pjesë e Federatës Ruse. Ekziston marrëveshja me kryetarin e tashëm, ndërsa referendumi do të duhej të mbahej pas zgjedhjeve presidenciale”, tha Bibilov
Ai ka bërë të ditur se për këtë do të bëhen konsultime me autoritetet ruse, meqë çështja i përket drejtpërdrejt edhe Moskës.
“Ligjet ruse na bëjnë të mundur këtë gjë, por kjo në masë të madhe varet edhe nga rrethanat e tashme ndërkombëtare, tha Bibilov.
-
24 mars 2017 15:43
-
Shpërndaje në: