NATO-ja gjykoi sot se ofensiva turke e filluar në veri të Sirisë kundër kurdëve, të akuzuara për terrorizëm, ka të drejtën që të mbrohet, por në mënyrë proporcionale dhe të matur.

“Turqia është një prej vendeve të NATO-s që ka vuajtur më shumë terrorizmin. Të gjitha kombet kanë të drejtën që të mbrohen, por kjo duhet të bëhet në mënyrë proporcionale dhe të matur”, theksoi sekretari i përgjithshëm i NATO-s, Jens Stoltenberg.

“Turqia, fuqia e dytë ushtarake e NATO-s pas SHBA-ve, njoftoi këtë javë aleatët në NATO mbi operacionin e saj në veri të Sirisë”, shtoi Stoltenberg, transmeton kp. 

Deri tani, shefi i Aleancës së Atlantikut nuk ka reaguar për ofensivën ajrore dhe tokësore të filluar të shtunën nga Turqia kundër kurdëve të Njësive për Mbrojtjen e Popullit në enklavën e Afrinit dhe që ka shkaktuar reagime për ulje të tensioneve nga ana e Uashingtonit, Parisit dhe Berlinit.