Botë

Macron përkujton viktimat e sulmit të Charlie Hebdo

Presidenti i Francës, Emmanuel Macron, ka vendosur kurorë lulesh para ish-zyrës së revistës satirike, Charlie Hebdo, në trevjetorin e vrasjes së pjesëtarëve të kësaj redaksie nga militantët islamikë.

Sipas kërkesës së familjes së viktimave, ceremonia e sotme e vendosjes së kurorës, ishte e një niveli modest.

Macron shoqërohej nga gazetarët, që e kishin mbijetuar sulmin, dhe nga anëtarja e qeverisë së tij dhe kryetare e Parisit, Anne Hidalgo.

Dy islamistë francezë, të cilin kishin shprehur lojalitet ndaj rrjetit terrorist, Al -Kaida, i patën vrarë 11 vetë në zyrat e revistës, Charlie Hebdo, më 7 janar të vitit 2015.