Botë

NATO zgjat mandatin e Stoltenberg edhe dy vjet

Bruksel, 12 dhjetor - Anëtarët e NATO-s kanë rënë dakord sot për zgjatjen e mandatit të sekretarit të përgjithshëm të Aleancës, Jens Stoltenberg për dy vjet, duke e mbajtur atë në detyrë deri më 30 shtator 2020.

“Aleatët kanë përgëzuar sekretarin e përgjithshëm, Stoltenberg duke shprehur besimin e tyre të plotë në aftësinë e tij për t’iu përkushtuar punës së tij në avancimin e procesit të adaptimit të NATO-s ndaj sfidave të sigurisë të shekullit të 21-të”, deklaroi këshilli i Atlantikut të Veriut, organi vendimmarrës politik i NATO-s.

Jens Stoltenberg, ish-kryeministër i Norvegjisë, është sekretar i përgjithshëm i NATO-s që prej 1 tetorit 2014.