Botë

Putin urdhëroi bashkëngjitjen e forcave të Osetisë Jugore në ushtrinë ruse

Presidenti rus, Vladimir Putin, ka urdhëruar zyrtarët e tij që të nënshkruajnë marrëveshjen me të cilën forcat e armatosura të krahinës së Gjeorgjisë, Osetia Jugore de fakto të përshtaten në strukturën komanduese të forcave të Ushtrisë ruse, transmeton Reuters duke iu referuar RIA novosti.

Gjeorgjia ka dënuar këtë vendim, ndërsa pritet që njësoj të veprojnë edhe një sërë vendesh perëndimore, me akuzat se Kremlini në heshtje po përgatit aneksimi të asaj pjese të territorit të një shteti tjetër sovran, pasi që njësoj kishte vepruar edhe me Krimenë para dy vjetësh.