Ish-kryeministri malazez, lideri aktual i partisë në pushtet DPS Millo Gjukanoviq të martën i ka bërë thirrje Bashkimit Evropian që të ndalojë ndikimin destruktiv rus në Ballkan, pasi që Mali i Zi, siç tha, ka ndaluar tentimin e Rusisë që të rrëzojë qeverinë e tij properëndimore.

Ai në një intervistë për AP ka thënë se Moska është duke udhëhequr një lloj lufte kundër Evropës dhe kërcënon vetë ekzistimin e Bashkimit Evropian.