Botë

SHBA-ja rihap dyert për refugjatët, me përjashtim të 11 shteteve

SHBA-ja do të pranojë sërish refugjatë pas katër muajsh pezullim, njoftoi sot Shtëpia e Bardhë, me përjashtim të atyre që vijnë nga 11 vendet me rrezikshmëri të lartë.

Ky ndalim i përkohshëm ka qenë objekt i një sage të gjatë juridike që prej shpalljes nga Donald Trump kur hyri në Shtëpinë e Bardhë në janar, të një deikret që vazhdon të shkaktojë polemika.

Gjykata Supreme kishte lejuar përfundimisht në qershor aplikimin e pjesshëm të dekretit, që pritet t’i lërë kohë përgjegjësve të shërbimeve migratore amerikane që të rishikojnë procedurat dhe metodat e verifikimit të udhëtimeve të mëparshme.

Presidenti demokrat Barack Obama kishte fiksuar limitin në 110 000 refugjatë për vitin fiskal 2017 që përfundoi më 30 shtator.

Me të ardhur në Shtëpinë e Bardhë, Donald Trump kishte ulur këtë nivel në 53 000 duke u përpjekur që të pezullojë krejtësisht programin. Për vitin 2018, Trump e ka ulur edhe më shumë këtë numër në 45 000 refugjatë.

Nga ana tjetër përgjegjësit e administratës Trump kanë refuzuar që të përmendin 11 vendet që vazhdojnë të jenë të përjashtuar por janë bazuar në një listë që daton në vitin 2015, në kohën e Barack Obama, ku përcaktohje se qytetarët e këtyre vendeve duhet të ishin objekt i një kontrolli më të thellë.