Palestina i është bashkuar Interpolit, si shtet i fundit anëtar, ndonëse ky veprim është kundërshtuar nga Izraeli.
Organizata ndërkombëtare e policisë mbajti takimin e asamblesë së përgjithshme në Pekin. Në një postim në Twitter në llogarinë e Interpolit shkruan se Shteti i Palestinës dhe Ishujt Solomon janë shtetet të reja anëtare, transmeton KTV.
Ministria e Jashtme izraelite, e që më herët kishte tentuar që ta shtynte këtë votim deri vitin e ardhshëm nuk e ka komentuar lajmin.
Sipas Izraelit, Palestina nuk është shtet dhe rrjedhimisht nuk mund të jetë anëtare. E pala palestineze ka njoftuar se më shumë se 75 për qind e anëtareve të Interpolit janë votuar për anëtarësimin e Palestines.
Në vitin 2012, Asambleja e Përgjithshme e OKB-së e kishte avancuar pozitën e Palestinës në këtë organ nga entitet në shtet joanëtar, ashtu sic e ka edhe Vatikani.
Ndonëse në këtë takim Palestina për pak nuk u anëtarësua në OKB, megjithatë ka qasje në organet tjera ndërkombëtare nëse do të anëtarësohet. Me këto dy shtete Interpoli tani i ka 192 anëtarë.
-
27 shtator 2017 12:11
-
Shpërndaje në: