Ish-kryeministrja e Tajlandës është arratisur jashtë vendit, duke alarmuar kështu një komb të tërë.
Rasti i lideres tajlandeze ,Yingluck Shinaëatra, ka tërhequr vëmendjen e mbarë botës, pasi u arratis pak para gjyqit mbi një skemë të subvencionimit të orizit.
Burime të afërta me partinë e saj, siç transmeton Syri.net raportimet, thonë se ajo mori vendimin që të largohej papritur, pak para se të vendosej gjykimi në Bangkok.
Zonja Yingluck nuk u paraqit në Gjykatën e Lartë në Bangkok, duke bërë që gjykatësit të lëshonin një urdhër arresti për të.
Avokatët e saj thanë se ajo nuk kishte mundësi të merrte pjesë, sepse ishte e sëmurë. Por gjykata e hodhi poshtë këtë dhe e vonoi aktgjykimin në 27 shtator.
Zonja Yingluck ka mohuar çdo keqbërje në skemën që i kushtoi Tajlandës miliarda dollarë. Nëse shpallet fajtore, ajo mund të dënohet deri në 10 vjet burgim dhe të dëbohet përgjithmonë nga politika.
-
25 gusht 2017 13:16
-
Shpërndaje në: