Ligjvënësit izraelitë të martën shfuqizuan një akt të vitit 2005, sipas të cilit katër vendbanime hebraike në Bregun Perëndimor të pushtuar u prishën në të njëjtën kohë me tërheqjen e forcave izraelite nga Rripi i Gazës.

Zhvillimi mund të hapë rrugën për një kthim zyrtar në zonat e braktisura të Bregut Perëndimor dhe ta thellojë më tej krizën.

Ishte lëvizja e fundit e Qeverisë së ekstremit të djathtë të kryeministrit Benjamin Netanyahu, e cila dominohet nga udhëheqësit e kolonëve dhe aleatët, për të promovuar aktivitetin e vendbanimeve në territor.

Komuniteti ndërkombëtar, përfshirë aleaten më të ngushtë të Izraelit, Shtetet e Bashkuara, i konsideron vendbanimet të paligjshme dhe kundërshton ndërtimin në territoret e pushtuara të pretenduara nga palestinezët për një shtet të pavarur të ardhshëm.

Izraeli evakuoi katër vendbanimet dhe u tërhoq në mënyrë të njëanshme nga Gaza, sipas legjislacionit të vitit 2005.