Indianët raportohet të kenë pranuar 100 miliardë dollarë remitenca këtë vit, sipas një raporti të Bankës Botërore (BB).
Sipas BB-së, kjo shënon shifrën më të lartë të remitencave që një shtet i ka arritur i vetëm, raportoi BBC-ja të enjten.
Kjo vlerë u ndikua nga rritja e pagave dhe tregjet e forta të punës në SHBA dhe vende të tjera të zhvilluara.
Në total, shuma e parave të dërguara në shtëpi nga emigrantët në mbarë botën është rritur me 5 për qind në vitin 2022, sipas BB-së.
Paratë janë një burim vendimtar i të ardhurave të familjeve në vendet me të ardhura të ulëta dhe të mesme, thotë Banka Botërore. Remitancat shoqërohen me përmirësimin e treguesve shëndetësorë dhe socialë, siç janë rritja e peshës së lindjes dhe shifrat e regjistrimit në shkolla më të larta.
Vende të tjera përfituese kryesore për remitancat përfshijnë Meksikën, Kinën, Egjiptin dhe Filipinet.
Vitet e fundit, shumë indianë janë zhvendosur në punë të paguara mirë në vende me të ardhura të larta, si SHBA, Mbretëri e Bashkuar dhe Singapor - duke u mundësuar atyre të dërgojnë më shumë para në shtëpi.
Ndërsa India dhe Nepali kanë përjetuar një rritje të remitancave, vendet e tjera në Azinë Jugore kanë parë një rënie prej më shumë se 10 për qind në vitin e fundit.
-
1 dhjetor 2022 22:41
-
Shpërndaje në: