Botë

Ukraina pretendon se i ka vrarë 71.200 ushtarë rusë

Forcat e Armatosura të Ukrainës po pretendojnë se i kanë vrarë 71.200 trupa ruse, që nga 24 shkurti kur nisi agresioni i Rusisë deri më tani.

Në një raport të publikuar të dielën, Ministria ukrainase e Mbrojtjes tha se pos këmbësorisë, Rusisë ia kanë shkatërruar edhe 2.672 tanke, 5.453 pajisje të blinduara, 1.724 artileri të rëndë, 383 sisteme raketore, 197 sisteme mbrojtëse ajrore, 252 helikopterë, 1.412 dronë, 352 raketa lundrimi, 16 anije dhe qindra pajisje të tjera luftarake.

Image

Të dielën janë regjistruar luftime në lindje të Ukrainës.

Trupat ruse, sipas autoriteteve ukrainase, po mbrohen nga ofensivat e vendasve.