Presidenti amerikan, Joe Biden, ka aprovuar një ndihmë shtesë ushtarake prej 725 milionë dollarësh për Ukrainën, sipas një deklarate të lëshuar nga Departamenti i Shtetit.
Presidenti i Ukrainës, Volodymyr Zelensky, e ka falënderuar Bidenin për ndihmën, përmes një postimi në Twitter të shtunën, raportoi CNN-i.
“Sinqerisht mirënjohës ndaj presidentit amerikan, njerëzve nga Shtetet e Bashkuara për ofrimin e një pakete tjetër ndihme sigurie prej 725 milionë dollarësh. Ne do të marrim rundet e nevojshme për HIMARS-in dhe artilerinë. Një dhuratë e mrekullueshme për Ditën e Mbrojtësve të Ukrainës! Agresori rus do të mposhtet, Ukraina do të jetë e lirë”, ka shkruar Zelensky.
Administrata Biden autorizoi tërheqjen shtesë presidenciale - një formë e shpenzimeve ushtarake që lejon miratimin e shpejtë, për Ukrainën të premten.
Paketa prej 725 milionë dollarësh përfshin municione për HIMARS, HARM (raketa ajër-tokë), armë kundërtanke, Humvee, fishekë artilerie 155 mm, armë të vogla dhe municione të armëve të vogla, fishekë artilerie të drejtuara me saktësi dhe furnizime mjekësore.
-
15 tetor 2022 19:23
-
Shpërndaje në: